జగన్‌తో భేటీకి పంతొమ్మిది మంది ఎమ్మెల్యేలు హాజరు

By Srinivas

Published: Sunday, December 4, 2011, 15:57 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డితో భేటీకి పంతొమ్మిది మంది శాసనసభ్యులు హాజరయ్యారు. ఆదివారం మధ్యాహ్నం లోటస్ పాండులో జరిగిన సమావేశానికి పిల్లి సుభాష్ చంద్రబోసు, కాపు రామచంద్రా రెడ్డి, పిన్నెల్లి రామకృష్ణా రెడ్డి, గొల్ల బాబురావు, మేకపాటి చంద్రశేఖర రెడ్డి, శోభా నాగి రెడ్డి, అమర్నాథ్ రెడ్డి, గుర్నాథ్ రెడ్డి, ప్రసాద రాజు, బాలినేని శ్రీనివాస్, పూతలపట్టు రవి, బాలరాజు, శ్రీనివాసు, ధర్మాన కృష్ణదాసు, శ్రీకాంత్ రెడ్డి, సుచరిత, చెన్నకేశవ రెడ్డి హాజరయ్యారు. కొండా సురేఖ తరఫున ఆమె భర్త కొండా మురళీధర రావు హాజరయ్యారు.

కాగా ఈ భేటీలో అవిశ్వాసంపై చర్చించనున్నారు. అవిశ్వాసంతో పాటు కాటసాని రాంభూపాల్ రెడ్డి, కుంజా సత్యవతి, బాలనాగిరెడ్డిల వైఖరి పైన కూడా చర్చించనున్నట్లు తెలుస్తోంది. అవిశ్వాసానికి అనుకూలంగా ఓటు వేయాలని జగన్ తన వర్గం ఎమ్మెల్యేలకు సూచించారు.

Published On December 4, 2011