శోభానాగిరెడ్డికి పిఆర్పీ విప్, జగన్ ఎమ్మెల్యేలకు కాంగ్రెస్

By Srinivas

Published: Sunday, December 4, 2011, 18:14 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం శాసనసభ్యురాలు శోభా నాగి రెడ్డికి ప్రజారాజ్యం పార్టీ ఆదివారం విప్ జారీ చేసే అవకాశాలు కనిపిస్తున్నాయి. ఆదివారం ఉదయం చిరంజీవి నివాసంలో పిఆర్పీ ఎమ్మెల్యేలు భేటీ అయ్యారు. ఈ సందర్భంగా వారు విప్ జారీ చేసే అంశంపై చర్చించుకున్నారు. తీవ్ర తర్జన భర్జనల అనంతరం పిఆర్పీ చీఫ్ విప్ పద్దెనిమిది మంది ఎమ్మెల్యేలకు విప్ జారీ చేసే అంశాన్ని సాయంత్రం భేటీకి వాయిదా వేసింది. ప్రభుత్వానికి అనుకూలంగా ఓటు వేయాలంటూ జగన్ వర్గం ఎమ్మెల్యే శోభా నాగి రెడ్డికి కూడా విప్ జారీ చేసే అవకాశాలు కనిపిస్తున్నాయి. కాంగ్రెసు పార్టీ చీఫ్ విప్ కొండ్రు మురళి ఎమ్మెల్యేలకు విప్ జారీ చేశారు.

గుర్నాథ్ రెడ్డికి మంత్రి రఘువీరా రెడ్డి విప్ అందించారు. అందరూ అవిశ్వాసానికి వ్యతిరేకంగా ఓటు వేయాలని విప్ జారీ చేశారు. జగన్ ఎమ్మెల్యేలకు కూడా విప్ జారీ చేశారు. తెలుగుదేశం పార్టీ తన ఎమ్మెల్యేలకు అవిశ్వాసానికి అనుకూలంగా ఓటు వేయాలంటూ విప్ జారీ చేసింది. టిఆర్ఎస్ పార్టీ కూడా విప్ జారీ చేసింది. ఆదివారం అసెంబ్లీ ప్రాంగణంలో విప్ జారీల హడావిడే ఎక్కువగా కనిపించింది.

Published On December 4, 2011