చంద్రబాబు, కిరణ్ రాజకీయాలు చేస్తున్నారు: జగన్

గుంటూరు/అనంతపురం: దివంగత వైయస్ రాజశేఖర రెడ్డి ప్రతిష్టను దిగజార్చడానికి కాంగ్రెసు కోర్టుకు వెళ్లడమే కాకుండా చంద్రబాబుతో కుమ్మక్కై రాజకీయాలు చేస్తున్నారని వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి గురువారం విమర్శించారు. విద్యార్థులకు మూడేళ్లుగా ఫీజు రీయింబర్సుమెంట్లు అందడం లేదని ఆవేదన వ్యక్తం చేశారు. వైయస్ పథకాలను కిరణ్ నీరుగార్చుతున్నారన్నారు. నాయకులు కేవలం పదవుల కోసమే ఆరాటపడుతున్నారని విమర్శించారు. కాంగ్రెసు రాష్ట్రంలో, కేంద్రంలో రాజ్యమేలుతుందంటే అందుకు కారణం వైయస్సే అన్నారు.

ప్రభుత్వాన్ని రక్షించడానికే టిడిపి అధినేత అవిశ్వాస తీర్మానం ప్రవేశ పెట్టాడని అనంతపురం జిల్లాలో గుర్నాథ్ రెడ్డి ఆరోపించారు. ప్రభుత్వానికి వ్యతిరేకంగా ఓటు వేసినందుకు ప్రజలు హర్షిస్తున్నారన్నారు. వేటు పడుతుందని తెలిసినా రైతుల కోసం అవిశ్వాసానికే మద్దతిచ్చామన్నారు. దివంగత వైయస్ పథకాలను కిరణ్ నిర్లక్ష్యం చేస్తున్నారని ఆరోపించారు. ఉప ఎన్నికలకు తాము సిద్ధంగా ఉన్నామన్నారు. భారీ మెజార్టీతో గెలుపొందడం ఖాయమన్నారు. మా ప్రత్యర్థి టిడిపియే అన్నారు.

English summary

YSR Congress Party chief YS Jaganmohan Reddy accused that Chandrababu and Kiran Kumar Reddy doing politics with late YSR prestige.