జగన్ స్పీచ్‌కు నో: లోక్‌సభ రికార్డుల్లోకి ప్రసంగ పాఠం

న్యూఢిల్లీ: వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డికి లోక్ సభలో మాట్లాడే అవకాశం రాకపోయినప్పటికీ ఆయన ఇచ్చిన నోటీసు అధికారికంగా సభ రికార్డులలో నమోదైంది. రాష్ట్రంలోని రైతుల సమస్యలపై మాట్లాడేందుకు జగన్ 377 నిబంధన కింద నోటీసు ఇచ్చారు. జగన్ నోటీసులోని అంశాలను లోక్ సభలో సభ్యులందరికీ పంపిణీ చేశారు. రాష్ట్రంలోని రైతుల సమస్యలపై మూడు ప్రధాన అంశాలను ఆయన లోక్ సభ దృష్టికి తీసుకు వెళ్లారు.

రైతులకు వెంటనే మద్దతు ధర కల్పించి వెంటనే దానిని అమలు చేయాలి, సమగ్ర పంట భీమాను రాష్ట్రంలో అమలు చేసి రైతులను ఆదుకోవాలి, విత్తనాలు, ఎరువులు అందించేందుకు సరైన యంత్రాంగాన్ని ప్రభుత్వం ఏర్పాటు చేసి అవి సక్రమంగా సత్వరంగా అందేలా చర్యలు చేపట్టాలి. పంట విరామం, పంట రుణాలు తదితర అంశాలను ఆయన తన సావధాన తీర్మానంలో ప్రస్తావించారు. ఈ మూడు అంశాలను జగన్ సభ దృష్టికి తీసుకు వెళ్లారు. ఇది లోక్ సభ రికార్డులలో అధికారికంగా నమోదు అవుతుంది.

English summary

Jagan has no get chance to talk in Lok Sabha about state farmers issues. But his notice recorded in parliament.