కూతురిని తల్లిదండ్రులు కొట్టి చంపేశారు

విశాఖపట్నం: విశాఖపట్నం జిల్లాలో దారుణం జరిగింది. తమ కూతురిని తల్లిదండ్రులు చచ్చే దాకా కొట్టారు. ఆ తర్వాత విషయాలను దాచి పెట్టడానికి హడావిడిగా అంత్యక్రియలు చేసేశారు. ఈ సంఘటన విశాఖపట్నం జిల్లా అచ్యుతాపురం మండలం పుడిమడక గ్రామంలో బుధవారం జరిగింది. మెరుగు కాసులమ్మ అనే 17 ఏళ్ల యువతిని మేనమామ దుముడుకు ఇచ్చి నెల రోజుల క్రితం పెళ్లి చేశారు. అయితే ఈ పెళ్లి ఆమెకు ఇష్టం లేదు. దాంతో ఎవరికీ చెప్పకుండా కాసులమ్మ మూడు రోజుల క్రితం పారిపోయింది.

బంధువు ఒకరు ఆమెను పట్టుకుని ఇంటికి తీసుకుని వచ్చాడు. కాసులమ్మతో తల్లిదండ్రులు రాజయ్య, పెద కాసులమ్మ గొడవ పడ్డారు. ఆ తర్వాత కూతురిని చితక బాదారు. దీంతో ఆమె స్పృహ తప్పి పడిపోయింది. అలాగే మరణించింది. దీంతో ఇరుగుపోరుగు వారికి కూడా చెప్పకుండా తల్లిదండ్రులు కూతురికి దహన సంస్కారాలు చేశారు. సమాచారం అందుకున్న పోలీసులు పుడిమడకకు చేరుకుని తల్లిదండ్రులను ప్రశ్నించారు.

English summary

In a gruesome incident, parents allegedly beat their daughter to death and later performed the last rites immediately in an attempt to hush up the matter in Pudimadaka village near Vishakapatnam in Andhra Pradesh, under Atchyuthapuram mandal.