ప్రభుత్వంపై సుప్రీంకోర్టుకెక్కిన ఆర్మీ చీఫ్ వికె సింగ్

న్యూఢిల్లీ: వయస్సు వివాదంపై ఇండియన్ ఆర్మీ చీఫ్ వికె సింగ్ తీవ్రమైన చర్యకు దిగారు. సుప్రీంకోర్టులో ఆయన ప్రభుత్వానికి వ్యతిరేకంగా రిట్ పిటిషన్ దాఖలు చేశారు. ప్రభుత్వంపై సమరాన్ని ఆయన గౌరవం కోసం సమరంగా అభివర్ణించుకున్నారు. తన జన్మ తేదీపై నెలకొన్న వివాదం పరిష్కారానికి ఆయన సుప్రీంకోర్టులో పిటిషన్ దాఖలు చేశారు. సైన్యం వారసత్వం సమస్యను కోర్టు నిర్ణయం పరిష్కారం చూపే అవకాశం ఉంది.

తన జన్మతేదీని 1951 మే 10వ తేదీగా మార్చాలని ఆయన రక్షణ మంత్రిత్వ శాఖకు విజ్ఞప్తి చేశారు. దాన్ని మంత్రిత్వ శాఖ తిరస్కరించింది. ఆయన జన్మతేదీ 1950 మే 10వ తేదీగా నమోదైంది. జన్మ తేదీని మారిస్తే మరో పదేళ్ల పాటు వికె సింగ్ పదవీ కాలం పెరుగుతుంది. తన జన్మ తేదీపై సుప్రీంకోర్టుకు వెళ్లడం అదనపు పదవీ కాలం కోసం కాదని, కేవలం గౌరవం కోసం మాత్రమేనని వికె సింగ్ అంటున్నారు. జన్మ తేదీపై వివాదం నెలకొన్న స్థితిలో తాను గౌరవం పొందడం అవసరమని ఆయన అన్నారు.

English summary

Making the extreme step over the age-controversy, Indian Army chief, VK Singh finally sued the central government after filing a writ petition in the Supreme Court.