21 నుంచి తెలంగాణలో వైయస్ జగన్ ఓదార్పు యాత్ర

హైదరాబాద్: నిజామాబాద్ జిల్లా ఆర్మూరు రైతు దీక్ష విజయవంతం కావడంతో తెలంగాణలో ఓదార్పు యాత్ర చేపట్టాలని వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఆలోచిస్తున్నట్లు తెలుస్తోంది. ప్రస్తుతం ఆయన గుంటూరు జిల్లాలో మూడో విడత ఓదార్పు యాత్ర నిర్వహిస్తున్నారు. ప్రాణహిత - చేవెళ్ల ప్రాజెక్టు కోసం పాదయాత్ర చేయాలని మొదట ఆలోచన చేసినప్పటికీ దానికి ముందు ఓదార్పు యాత్రను చేపట్టి తనకు లభించే ప్రజాదరణను చూసుకోవాలని ఆయన అనుకుంటున్నట్లు చెబుతున్నారు.

వైయస్ జగన్ ఈ నెల 21వ తేదీన మహబూబ్ నగర్ జిల్లా కొత్తూరులో అడుగు పెడుతున్నారు. ఓదార్పు యాత్రను చేపట్టడానికి గల అవకాశాలపై తద్వారా ప్రయోగాత్మకంగా పరిశీలిస్తారు. గుంటూరు జిల్లాలో ఓదార్పు యాత్రను ముగించుకుని ఆయన ప్రఖ్యాత జహంగీర్ పీర్ దర్గాలో ప్రార్థనలు చేసి ఆ తర్వాత పార్టీ సమావేశం నిర్వహించనున్నట్లు తెలుస్తోంది. ఫీజు రీయంబర్స్‌మెంట్‌పై జగన్ అంతకు ముదు మహబూబ్ నగర్ జిల్లాలో ఆందోళన చేపట్టాలని అనుకున్నారు. అయితే, దాన్ని విరమించుకున్నారు. తెలంగాణ సెంటిమెంటు తక్కువగా ఉండడంతో కొత్తూరు జహంగీర్ పీర్ దర్గాను ఆయన సందర్శించనున్నట్లు చెబుతున్నారు.

English summary

After successfully 'managing' the Telangana forces in Armoor during his recent rythu deeksha, YSR Congress president Jaganmohan Reddy has shifted his focus to conducting Odarpu yatra in the region with the tacit support of TRS cadres.