• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్‌పై బాబు వ్యాఖ్య: ఒక్కటైన కాంగ్రెసు, జగన్ పార్టీ

By Pratap
|

YS Rajasekhar Reddy
హైదరాబాద్: దివంగత నేత వైయస్ రాజశేఖర రెడ్డిపై, ఆయన విగ్రహాలపై తెలుగుదేశం పార్టీ అధ్యక్షుడు నారా చంద్రబాబు నాయుడు చేసిన వ్యాఖ్యలను తిప్పికొట్టడానికి వైయస్ జగన్ నాయకత్వంలోని వైయస్సార్ కాంగ్రెసు, కాంగ్రెసు పార్టీల నాయకులు ఒక్కటయ్యారు. చంద్రబాబుపై వైయస్సార్ కాంగ్రెసు పార్టీ నాయకులే కాకుండా కాంగ్రెసు పార్టీ నాయకులు తీవ్రంగా ధ్వజమెత్తారు. కాంగ్రెసు నాయకుల్లో మంత్రులు రఘువీరా రెడ్డి, ఆనం రామనారాయణ రెడ్డి, పార్లమెంటు సభ్యుడు ఉండవల్లి అరుణ్ కుమార్ చంద్రబాబుపై తీవ్రంగా విరుచుకుపడ్డారు. వైయస్సార్ కాంగ్రెసు పార్టీ నాయకులు భూమన కరుణాకర్ రెడ్డి, అంబటి రాంబాబు తదితరులు చంద్రబాబుపై తీవ్రమైన వ్యాఖ్యలు చేశారు. చంద్రబాబు సొంత నియోజక వర్గ కేంద్రం కుప్పంలోనే తాను వైయస్ రాజశేఖర రెడ్డి విగ్రహాన్ని పెట్టిస్తానని, చంద్రబాబు ఎలా అడ్డుకుంటారో చూస్తానని మంత్రి రఘువీరా రెడ్డి అన్నారు.

వైయస్ రాజశేఖర రెడ్డిపై చంద్రబాబు నీచమైన భాష ప్రయోగించారని మరో మంత్రి ఆనం రామనారాయణ రెడ్డి తప్పు పట్టారు. విమర్శలు చేస్తే తప్పు లేదని, అయితే స్థాయికి తగినట్లుగా ఆ విమర్శలు ఉండాలని, చంద్రబాబు స్థాయికి తగిన వ్యాఖ్యలు చేయడం లేదని ఆయన మీడియా ప్రతినిధులతో అన్నారు. చంద్రబాబుకు వైయస్సార్ విమర్శించే స్థాయి లేదని ఆయన అన్నారు. వైయస్సార్ వల్లనే అధికారం కోల్పోయాననే బాధతోనే చంద్రబాబు స్థాయికి తగ్గి మాట్లాడుతున్నారని ఆయన అన్నారు.

తాము అధికారంలోకి వస్తే వైయస్సార్ విగ్రహాలను కూలుస్తామని చంద్రబాబు అనడం హేయమని కాంగ్రెసు పార్లమెంటు సభ్యుడు ఉండవల్లి అరుణ్ కుమార్ అన్నారు. అనుమతి లేకుండా విగ్రహాలు పెడితే సంబంధిత అధికారులకు ఫిర్యాదు చేయవచ్చునని, కానీ చంద్రబాబు అలా మాట్లాడడం సరి కాదని ఆయన అన్నారు. ఎన్టీఆర్ విగ్రహాలను అనుమతి లేకుండా ఎన్ని చోట్ల పెట్టారో చంద్రబాబుకు తెలియదా అని ఆయన అడిగారు. వీరేశలింగం విగ్రహం స్థాపించాల్సిన చోట ఎన్టీఆర్ విగ్రహాన్ని నెలకొల్పారని, అది కూడా ఎన్టీఆర్ హత్యకు కారణమైనవారేనని, రాజమండ్రి వస్తే అనుమతి లేకుండా ఎన్ని ఎన్టీఆర్ విగ్రహాలు పెట్టారో చూపిస్తానని ఆయన అన్నారు.

వైయస్సార్ విగ్రహాలపై తెలుగుదేశం పార్టీ కార్యకర్తలు చేయి వేస్తే ప్రజలు చంద్రబాబును రాజకీయంగా హత్య చేస్తారని వైయస్సార్ కాంగ్రెసు పార్టీ నాయకుడు భూమన కరుణాకర్ రెడ్డి అన్నారు. చంద్రబాబు నీతిమాలిన రాజకీయ నాయకుడని వైయస్సార్ కాంగ్రెసు పార్టీ అధికార ప్రతినిధి అంబటి రాంబాబు అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
YSR Congress and Congress leaders collectively attacked TDP president N Chandrababu Naidu for making remarks against YS Rajasekhar Reddy.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more