• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణకైనా: విస్తరణపై వెనక్కి తగ్గని సిఎం కిరణ్ రెడ్డి

By Srinivas
|

Kiran Kumar Reddy
హైదరాబాద్: కాంగ్రెసు పార్టీ అధిష్టానం మంత్రివర్గ విస్తరణకు అనుమతి ఇవ్వనప్పటికీ ముఖ్యమంత్రి కిరణ్ కుమార్ రెడ్డి మాత్రం ఇందుకోసం తన ప్రయత్నాలు కొనసాగిస్తున్నట్లుగానే కనిపిస్తోంది. ఇటీవల విస్తరణ కోసం సిఎం ప్రయత్నాలు చేసినప్పటికీ అధిష్టానం మాత్రం కేవలం చిరంజీవి వర్గానికి చెందిన ఇద్దరితో మాత్రమే సరిపుచ్చాలని సూచించింది. దీంతో కిరణ్ మాట అధిష్టానం వద్ద చెల్లుబాటు కాలేదని ప్రచారం జోరుగా జరిగింది. ఈ ప్రచారానికి చెక్ పెట్టడంతో పాటు తన వర్గానికి చెందిన వారితో విస్తరణ జరిపేందుకు అదీ ఈ బడ్జెట్ సమావేశాలలోగా పూర్తయ్యేందుకు సిఎం తీవ్రంగా యత్నిస్తున్నారని సమాచారం. విస్తరణ సాధించి తద్వారా తన సత్తా నిరూపించుకునే ప్రయత్నాల్లో ఆయన ఉన్నారని అంటున్నారు. అధిష్టానం ఉత్తర ప్రదేశ్ ఎన్నికల పర్వంలో బిజీగా ఉన్నప్పటికీ ఆయన పట్టువదలని విక్రమార్కుడిలా ఉన్నారని అంటున్నారు.

కనీసం తెలంగాణ ప్రాంత నేతలనైనా మంత్రివర్గంలో తీసుకునేందుకు అనుమతివ్వాలని ఆయన అధిష్టానాన్ని కోరుతున్నారట. ఇటీవల కొండా సురేఖ, కోమటిరెడ్డి వెంకట్ రెడ్డి, జూపల్లి కృష్ణా రావులు మంత్రి పదవులకు రాజీనామా చేసిన విషయం తెలిసిందే. తాజాగా శంకర రావును బర్తరఫ్ చేశారు. ఈ స్థానాలు తెలంగాణ ప్రాంతానికి చెందినవే. ఇప్పటికే తెలంగాణకు అన్యాయం జరుగుతుందని తెలంగాణవాదులు అంటోన్న నేపథ్యంలో పూర్తి స్థాయిలో కాకపోయినా ఈ నాలుగు స్థానాల భర్తీ కోసమైనా ఆయన ప్రయత్నాలు చేస్తున్నారని అంటున్నారు. ఇందుకోసం ఆయన ఏఐసిసి అధ్యక్షురాలు సోనియా గాంధీ, రాష్ట్ర వ్యవహారాల ఇంచార్జ్ గులాం నబీ ఆజాద్ అపాయింటుమెంట్ కోసం ప్రయత్నాలు చేస్తున్నారు.

తెలంగాణ వరకే అధిష్టానం అనుమతిస్తే పెద్దగా పోటీ ఉండదు. ఈ ప్రాంతం నుండి యాభై మంది ఎమ్మెల్యేలు కాంగ్రెసుకు ఉన్నప్పటికీ పదకొండు మంది మాత్రమే సీనియర్లు. వారిలో పదిమంది రెడ్డిలు, ఒకరు దళిత ఎమ్మెల్యే. మెదక్ జిల్లా నుండి ఇప్పటికే ముగ్గురు మంత్రివర్గంలో ఉన్నందున ఆ జిల్లాకు చెందిన మరొకరికి అవకాశం లేకపోవచ్చు. మర్రి శశిధర్ వంటి సీనియర్ ఎమ్మెల్యే ఉన్నప్పటికీ ఆయన ఎన్‌డిఎంఎ వైస్ చైర్మన్ పదవిలో ఉన్నారు. నల్గొండ జిల్లా నుండి కోమటిరెడ్డియే తెలంగాణ వాదం పేరుతో స్వయంగా తప్పుకున్నారు. హైదరాబాద్ నుండి కూడా ఇద్దరు కేబినెట్లో ఉన్నందున మణెమ్మ, విష్ణువర్ధన్ రెడ్డిలకు అవకాశాలు తక్కువే అని చెప్పవచ్చు. దళితుడైన శంకర రావును బర్తరఫ్ చేసినందున ఆయన స్థానంలో అదే వర్గానికి చెందిన మల్లు భట్టి విక్రమార్కను తీసుకునే అవకాశాలు ఉన్నాయి.

English summary
Chief minister N Kiran Kumar Reddy is said to be toying with the idea of filling the three Telangana 'vacancies' in the cabinet before the budget session expected to commence mid-February.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X