• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

బీర్ కంపెనీకి రిజిస్టర్ చేసింది నిజమే, కానీ..: మోపిదేవి

By Srinivas
|

Mopidevi Venkata Ramana
హైదరాబాద్: తన తనయుడికి ఓ బీర్ కంపెనీ అమ్మకపు హక్కులు ఉన్నాయన్న తెలుగుదేశం పార్టీ ఆరోపణలపై ఎక్సైజ్ శాఖ మంత్రి మోపిదేవి వెంకట రమణ గురువారం స్పందించారు. ఆయన సచివాలయంలో విలేకరులతో మాట్లాడారు. ఇన్ బేవ్ పేరుతో బిరు కంపెనీ పెట్టడానికి తాము రిజిస్టర్ చేసిన విషయం వాస్తవమేనని అన్నారు. అయితే తాను ఎక్సైజ్ శాఖ మంత్రిగా ఉండి బీరు కంపెనీ పెడితే బాగుండదనే ఉద్దేశ్యంతో ఆ ఆలోచన విరమించుకున్నట్లు చెప్పారు. బీర్ కంపెనీకి గతంలో రిజిస్టర్ చేశామని, అయితే ఇప్పటి వరకు ఆ ప్రాజెక్టుకు అనుమతులు రాలేదన్నారు. కనీసం లేబుల్ కోసం అనుమతి కూడా రాలేదన్నారు. వ్యాపారం చేసుకునేందుకు రిజిస్టర్ చేసుకొని ఆ తర్వాత విరమించుకున్నప్పటికీ టిడిపి ఆరోపణలు చేయడం సరికాదన్నారు. తాను ఏ మార్కెట్ కంపెనీతోనూ ఒప్పందం కుదుర్చుకోలేదన్నారు. తన కుమారుడికి ఎలాంటి డీలర్ షిప్ లేదన్నారు. అలాగే ఏ కంపెనీతోనూ సంబంధం లేదన్నారు.

కాగా తెలుగుదేశం పార్టీ నేత వర్ల రామయ్య బుధవారం మోపిదేవి వెంకట రమణ తన కుమారుడికి ఒక ప్రముఖ బీర్ కంపెనీ అమ్మకం హక్కులు ఇప్పించుకున్నారని ఆరోపించిన విషయం తెలిసిందే. సంబంధిత పత్రాలను ఆయన మీడియాకు విడుదల చేశారు. నిండా 22 ఏళ్లు కూడా లేని తన కుమారుడు రాజీవ్ పేరిట బీర్ కంపెనీ మార్కెటింగ్ హక్కులను మోపిదేవి తీసుకున్నారని ఆయన ఆరోపించారు. రాజీవ్ నిరుడు జూన్ 16న క్రెడెన్స్ వెంచర్ క్యాపిటల్ పేరిట ఒక భాగస్వామ్య సంస్థను రిజిస్టర్ చేయించారని, సరిగ్గా నెల రోజుల్లోనే ఇన్‌బేవ్ ఇంటర్నేషనల్ అనే సంస్థ ఆంధ్రప్రదేశ్‌లో బ్లాక్ ఈగిల్ బీర్ పంపిణీ, మార్కెటింగ్ హక్కులను క్రెడెన్స్ వెంచర్‌కు అప్పగించిందని, మద్యం వ్యాపారంలో తలలు పండిన అనేక కంపెనీలు ఉండగా వీటన్నింటినీ కాదని మంత్రి కుమారుడికే మార్కెటింగ్ అవకాశం దక్కిందని, ప్రభుత్వం నుంచి పనులు చేయించుకొని, దానికి ప్రతిఫలంగా ఈ ప్రయోజనం చేకూర్చారనిసని వర్ల ఆరోపించారు.

English summary
Minister Mopidevi Venkata Ramana condemned Telugudesam allegations on him and his son.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X