• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

గ్రూపులు మామూలే: ఉండవల్లి, చిన్నవేనన్న మంత్రి

By Srinivas
|

Undavalli Arun Kumar
హైదరాబాద్/రాజమండ్రి: కాంగ్రెసు పార్టీలో గ్రూపు విభేదాలు సహజమేనని తూర్పు గోదావరి జిల్లా రాజమండ్రి పార్లమెంటు సభ్యులు ఉండవల్లి అరుణ్ కుమార్ శుక్రవారం రాజమండ్రిలో స్పష్టం చేశారు. ఇంత పెద్ద పార్టీలో విభేదాలు సహజమేనని ఆయన మీడియాతో అన్నారు. అయితే అవసరమైనప్పుడు తాము కలిసి పోతామని అన్నారు. విభేదాలు ఉన్నప్పటికీ కలిసి పని చేయాల్సి వస్తే కలిసి పోతామన్నారు. మరోవైపు చేనేత శాఖ మంత్రి ప్రసాద్ కుమార్ కూడా పార్టీలో విభేదాలపై స్పందిస్తూ ఎలాంటి విభేదాలు లేవంటూనే కుటుంబమన్నాక చిన్న చిన్న విభేదాలు సహజమేనని హైదరాబాదులో అన్నారు. రంగారెడ్డి జిల్లాలో హోంమంత్రి సబితా ఇంద్రా రెడ్డితో ప్రసాద్ కుమార్‌కు విభేదాలు ఉన్నాయనే వాదనలు ఉన్న విషయం తెలిసిందే. దీనిపై ఆయన స్పందిస్తూ సబితతో తనకు ఎలాంటి విభేదాలు లేవని చెప్పారు. అయితే ఓ కుటుంబంలో చిన్న చిన్న విభేదాలు ఉంటాయన్నారు.

ముఖ్యమంత్రి కిరణ్ కుమార్ రెడ్డి, ఉప ముఖ్యమంత్రి దామోదర రాజనర్సింహ వలనే తనకు మంత్రి పదవి లభించిందని చెప్పారు. శంషాబాద్ మేడ్చల్ శాసనసభ్యుడు లక్ష్మా రెడ్డి ఇచ్చిన తేనీటి విందుకు ఆయన హాజరయ్యారు. చేనేత సాఖలో దివంగత ముఖ్యమంత్రి వైయస్ రాజశేఖర రెడ్డి ప్రవేశ పెట్టిన పథకాల అమలుకు కృషి చేస్తానని చెప్పారు. చేనేత కార్మికులు ఆత్మహత్యలు చేసుకోకుండా తగిన చర్యలు తీసుకుంటామన్నారు. సీనియర్ కాంగ్రెసు నేతలందరితో కలిసి జిల్లా అభివృద్ధికి తన వంతు కృషి చేస్తానని అన్నారు.

English summary
Rajahmundry MP Undavalli Arun Kumar said that differnces in Congress party is common.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X