జగన్ కేసులో మరో ఐఎఎస్ విచారణ, మీడియాపై ఆరా
గతంలో ఆయన రాష్ట్ర పర్యావరణ, రహదారులు భవనాల శాఖల్లో ముఖ్య హోదాల్లో పనిచేశారు. ఆ సమయంలో జగన్ కేసుకు సంబంధించి జారీ అయిన రెండు జీవోల గురించి సీబీఐ అధికారులు చటర్జీని ప్రశ్నించినట్లు తెలుస్తోంది. వాన్పిక్కు భూ కేటాయింపులు జరిగినపుడు అటవీ,పర్యావరణ చట్టానికి సంబంధించి కొన్ని సడలింపులు ఇచ్చారని, ఈ విషయంలో నిబంధనలు పాటించారా? ఏదైనా ఒత్తిళ్లకు గురై అనుమతులు ఇవ్వడం జరిగిందా అనే విషయాలపై చటర్జీ నుంచి సీబీఐ అధికారులు వివరణ కోరినట్లు సమాచారం. ఆ తర్వాత వాన్పిక్ ప్రతినిధులు సీబీఐ ముందు మరోసారి హాజరయ్యారు.
వైయస్ రాజశేఖర రెడ్డి హయాంలో మిగతా మీడియా సంస్థలను పక్కకుపెట్టి జగన్ మీడియాకు ప్రభుత్వం ప్రకటనలు ఇవ్వడంపై సీబీఐ దృష్టి సారించింది. ఈ నెల 21న సీబీఐ కార్యాలయానికి హాజరు కావాల్సిందిగా ప్రకటనలు జారీ చేసిన సమయంలో సమాచార శాఖ కమిషనర్గా వ్యవహరించిన సి.పార్థసారథి, అదనపు డైరెక్టర్ ప్రభాకర్రావు, జాయింట్ డైరెక్టర్ రాజబాబులకు నోటీసులు జారీ చేసింది.
Click it and Unblock the Notifications
Sign in with Google