• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

శ్రీలక్ష్మికి బెయిల్ ఇవ్వొద్దు: సిబిఐ, ఆచార్యకు బెయిల్

By Srinivas
|

Srilaxmi
హైదరాబాద్: కర్నాటక మాజీ మంత్రి గాలి జనార్ధన్ రెడ్డి ఓబుళాపురం మైనింగ్ కేసులో అరెస్టు అయిన ఐఏఎస్ అధికారిణి శ్రీలక్ష్మికి బెయిల్ ఇవ్వవద్దంటూ సిబిఐ ప్రత్యేక న్యాయస్థానంలో సిబిఐ శుక్రవారం కౌంటర్ దాఖలు చేసింది. తనను అరెస్టు చేసి అరవై రోజులు అయిందని, సిబిఐ ఇంకా ఛార్జీషీట్ దాఖలు చేయనందున తనకు బెయిల్ ఇవ్వాలని రెండు రోజుల క్రితం శ్రీలక్ష్మి ప్రత్యేక కోర్టులో బెయిల్ పిటిషన్ పెట్టుకున్నారు. ఇప్పటికే తన నుండి అన్ని వివరాలు సేకరించినందున తనకు బెయిల్ ఇచ్చినంత మాత్రాన విచారణలో ఎలాంటి ఇబ్బంది ఉండదని ఆమె తెలిపింది. దీనిపై సిబిఐ కౌంటర్ దాఖలు చేసింది. శ్రీలక్ష్మి బెయిల్ పిటిషన్ పైన విచారణ సోమవారానికి వాయిదా పడింది.

మరోవైపు ఎమ్మార్ కేసులో అరెస్టైన బిపి ఆచార్యకు సిబిఐ ప్రత్యేక కోర్టు బెయిల్ మంజూరు చేసింది. రూ.25 వేల పూచీకత్తుతో ఆచార్యకు నాంపల్లి సిబిఐ ప్రత్యేక కోర్టు బెయిల్ ఇచ్చింది. తనకు బెయిల్ ఇవ్వాలంటూ బిపి ఆచార్య ఇటీవల కోర్టులో పిటిషన్ పెట్టుకున్న విషయం తెలిసిందే. ఇరువైపుల వాదనలు విన్న అనంతరం కోర్టు ఆచార్యకు బెయిల్ మంజూరు చేసింది.

English summary
CBI filed counter on IAS officer Srilaxmi bail petition.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X