• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చిరంజీవి, సీమాంధ్ర: రాజ్యసభ ఎంపికపై అసంతృప్తి?

By Srinivas
|

Chiranjeevi
హైదరాబాద్: రాజ్యసభ ఎంపిక విధానం సీమాంధ్ర కాంగ్రెసు నేతలలో అసంతృప్తి రగిల్చిందని తెలుస్తోంది. కాంగ్రెసు పార్టీ అధిష్టానం నలుగురు రాజ్యసభ అభ్యర్థులను ఎంపిక చేసిన విషయం తెలిసిందే. ఇందులో పాల్వాయి గోవర్దన్ రెడ్డి, రాపోలు ఆనంద భాస్కర్, రేణుకా చౌదరి తెలంగాణ ప్రాంతానికి చెందిన వారు. ఒక్క చిరంజీవి మాత్రమే సీమాంధ్ర ప్రాంతానికి చెందిన వ్యక్తి. దీంతో రాజ్యసభ ఎంపిక విషయంలో అధిష్టానం సమతుల్యత పాటించలేదని సీమాంధ్ర నేతలు ఒకింత అసంతృప్తికి లోనయ్యారని తెలుస్తోంది. నాలుగింటిలో మూడింటిని తెలంగాణ వారికే ఇవ్వడం సరికాదని వారు అంటున్నారట. చిరంజీవికి రాజ్యసభ పదవి కేటాయించినప్పటికీ ఆయనను సీమాంధ్ర వ్యక్తిగా చూడటం సరికాదని నేతలు అభిప్రాయపడుతున్నారట. ఆయన ఏ ఒక్క ప్రాంతానికి చెందిన వ్యక్తి కాదని, అందరి వాడని అంటున్నారట. అలాంటి అందరి వాడికి సీమాంధ్ర కోటాలో ఇవ్వడం సరికాదని అభిప్రాయాలు వ్యక్తం చేస్తున్నారట.

చిరంజీవి అందరివాడు కాబట్టి సీమాంధ్రకు అధిష్టానం రాజ్యసభ పదవి విషయంలో ఈసారి మొండి చేయి చూపినట్లేనని కొందరు భావిస్తున్నారని తెలుస్తోంది. ఒక్క పదవి ఇచ్చినా బాగుండేదని అంటున్నారని తెలుస్తోంది. అయితే మరికొందరు నేతలు మాత్రం ఎంపిక విధానాన్ని భూతద్దంలో చూడాల్సిన అవసరం లేదని తేల్చి చెబుతున్నారట. సీనియర్ నేతలు రాయపాటి సాంబశివ రావు, జెసి దివాకర్ రెడ్డి ఎంపికను స్వాగతించారు. కాగా ఇంతకుముందు తెలంగాణకు రెండి(కెకె, సంజీవ రెడ్డి), సీమాంధ్రకు ఒకటి(దాసరి), బయటి వారికి ఒకటి(రషీద్ అల్వీ)లకు కేటాయించారు. కానీ ఈసారి బయట వారికి ఇవ్వకుండా ఆ స్థానంలో తెలంగాణ వారికి అవకాశం కల్పించారు.

English summary
It seems, Seemandhra congress party cadre unhappy with party high command for neglecting Seemandra in RS.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X