• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఉత్తరాంధ్ర అభివృద్ధికి వంగపండు ఆధ్వర్యంలో కొత్త పార్టీ

By Srinivas
|

Vangapandu Prasad Rao
విశాఖపట్నం: ఉత్తరాంధ్ర ప్రజా గాయకుడు వంగపండు ప్రసాద రావు నేతృత్వంలో వంగపండు ప్రజాదండు అనే నూతన రాజకీయ పార్టీ ఆవిర్భవించింది. ఉత్తరాంధ్ర, ఆత్మగౌరవం అనే నినాదంతో మొదటిసారిగా ప్రాంతీయ అస్తిత్వవాదంతో ఓ రాజకీయ శక్తి రూపొందింది. ఈ సందర్భంగా గురువారం వంగపండు మాట్లాడారు. పాలకుల నిర్లక్ష్యం వల్ల ఉత్తరాంధ్ర అన్ని విధాలుగా వెనుకబడి పోయిందని ఆరోపించారు.

స్వాతంత్రం వచ్చి అరవై అయిదేళ్లు అవుతున్నా ఉత్తరాంధ్ర అభివృద్ధి మాత్రం ఎక్కడ వేసిన గొంగలి అక్కడే అన్న మాదిరిగా ఉందన్నారు. ఈ ప్రాంతం నుండి అసెంబ్లీకి, పార్లమెంటుకు వెళుతున్న నేతలు మాకు చేసిందేమీ లేదన్నారు. ముప్పై మందికి పైగా ఎమ్మెల్యేలు, అయిదుగురు ఎంపీలు ఉన్నా అభివృద్ధి మాత్రం శూన్యమన్నారు.

ఇక్కడి నుండి వెళ్లిన నేతలు తమ పిల్లలను అమెరికాకు పంపించి చదివిస్తున్నారని, కానీ ఈ ప్రాంతం గురించి మాత్రం పట్టించుకోవడం లేదన్నారు. తన పార్టీ పేరిట యువతరం అనే కొత్త శక్తితో కుళ్లు రాజకీయాలను కడిగేస్తామన్నారు. మాది సమైక్య నినాదమే అన్నారు. రాష్ట్రాన్ని సమైక్యంగా ఉంచుతూనే ఈ ప్రాంతాన్ని అభివృద్ధి చేయాలని డిమాండ్ చేశారు. తన ఆటా-పాటతో ఉత్తరాంధ్ర ప్రజల్లో చైతన్యాన్ని రగిలించి రానున్న కాలంలో ఎన్నికల బరిలోకి దిగనున్నట్లు ఆయన తెలిపారు.

తెలంగాణ కంటే ముందే ఉత్తరంధ్ర సంగతి తేల్చాలని ఆయన డిమాండ్ చేశారు. ఏ అర్ధరాత్రే కేంద్రం తెలంగాణ ఇస్తే మా పరిస్థితి ఏమిటన్నారు. ఈ ప్రాంత భూములు ఏమయ్యాయో నేతలు చెప్పాలన్నారు. కాగా పాలక వర్గాల నిర్లక్ష్యం కారణంగా పేద వర్గాలు, గ్రామీణ వృత్తులు ఛిద్రమవుతున్న వైనాన్ని వంగపండు పార్టీ ప్రజల్లో ప్రచారం చేయాలని నిర్ణయించింది. ఈ పార్టీకి వంగపండు గౌరవ అధ్యక్షుడిగా ఉంటారు. ఉత్తరాంధ్రలోని మూడు జిల్లాల సమస్యలే ప్రధాన అజెండాగా ఉద్యమిస్తారు.

English summary
Vangapandu Prasad Rao launched a new party, Vangapandu Prajadandu for Uttarandhra development. He accused that no one political leader concentrating on Uttarandhra development. He continued, party will be contest in next polls.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X