కరెంట్ షాక్‌తో వరుడి మృతి: పెళ్లింట విషాదం

వరంగల్: పెళ్లింట విషాదం చోటు చేసుకుంది. వరంగల్ జిల్లాలో శనివారం తెల్లవారు జామున ఈ విషాద సంఘటన చోటు చేసుకుంది. రెండు గంటల్లో పెళ్లి పీటల మీద కూర్చోవాల్సిన వరుడు విద్యుత్ షాక్‌తో మరణించాడు. వరంగల్ జిల్లా తొర్రూరు మండలం జమస్థానపురం గ్రామంలోని దళిత కాలనీలో ఈ సంఘటన చోటు చేసుకుంది.

వెలుతూరి యాకయ్య (23)కు పక్క వూరి అమ్మాయితో ఉదయం పది గంటల 46 నిమిషాలకు వివాహం జరగాల్సి ఉంది. పెళ్లి మండపంలో యాకయ్య సెల్ ఫోన్ చార్జింగ్ పెట్టి తీస్తుండగా విద్యుత్ షాక్ కొట్టి మరణించాడు. అతను అక్కడికక్కడే మరణించాడు. దీంతో పెళ్లి మండపంలో తీవ్ర విషాదం చోటు చేసుకుంది.

గ్రామానికి గ్రామం విషాదంలో మునిగిపోయింది. విద్యుత్ షార్ట్ సర్క్యూట్ వల్లనే ఈ ప్రమాదం సంభవించినట్లు అనుమానిస్తున్నారు. పెళ్లయి హాయిగా కాపురం చేసుకోవాల్సిన యువకుడు అర్థాంతరంగా ప్రాణాలు కోల్పోవడం అందరినీ కలచివేసింది. యువకుడి మరణంతో కుటుంబ సభ్యులు, బంధువుల రోదనలతో పెళ్లి మండపం విషాదసాగరంగా మారింది.

English summary

In a sad incident, groom has died with current shock in Warangal district today. Yakaiah, 23 year old youth has died when he was trying renove cell phonem which was put on charge.