• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తిరుపతిని హిందూ కేంద్రంగా ప్రకటిస్తేనే: పరిపూర్ణానంద

By Srinivas
|

Swami Paripoornananda Saraswati
చిత్తూరు: తిరుమల పవిత్రతను కాపాడేందుకు తిరుమల తిరుపతి దేవస్థానం చర్యలు తీసుకోవాలని శ్రీపీఠం శ్రీ పరిపూర్ణానంద సరస్వతి శనివారం డిమాండ్ చేశారు. తిరుమలలో అన్యమత ప్రచారం జరుగుతుంటే ప్రభుత్వం ఏం చేస్తోందని ప్రశ్నించారు. హిందూ ధర్మాన్ని రక్షించుకునేందుకు ప్రపంచ హిందూ కేంద్రంగా తిరుపతిని ప్రకటించాలని పరిపూర్ణానంద డిమాండ్‌ చేశారు. అలా చెప్పిన పార్టీలకే వచ్చే ఎన్నికల్లో రాష్ట్రంలోని 4 కోట్ల మంది హిందువుల మద్దతు ఉంటుందన్నారు.

టిటిడిలో అన్యమత ప్రచారాన్ని అరికట్టాలని, హైందవేతర ఉద్యోగులను తొలగించాలని డిమాండ్ చేస్తూ తిరుమల తిరుపతి సంరక్షణ సమితి ఆధ్వర్యంలో టిటిడి పరిపాలనా భవనం ఎదుట శనివారం దీక్ష చేపట్టారు. టిటిడిలో ఉద్యోగులు అన్యమత ప్రచారంలో పాల్గొనడంపై పరిపూర్ణానంద ఆందోళన వ్యక్తం చేశారు. శేషాచలం చుట్టూ 30 కిలోమీటర్ల వరకు అన్యమత ప్రచారం జరగకుండా జీవో ఇవ్వాలని ప్రభుత్వాన్ని డిమాండ్ చేశారు. రాష్ట్రంలో హిందూమత వ్యాప్తి, ధర్మ ప్రచారం కోసం మఠాధిపతులు, పీఠాధిపతులతో త్వరలో రథయాత్ర చేపట్టనున్నట్లు ప్రకటించారు.

బాటల పేరుతో ప్రభుత్వం కాలయాపన చేస్తోందని, మొద్దు నిద్ర వీడి తిరుమల పవిత్రతను కాపాడే చర్యలు చేపట్టాలని డిమాండ్‌ చేశారు. గత ఉప ఎన్నికలలో తిరుమల పవిత్రతను కాపాడుతానని చెప్పిన ముఖ్యమంత్రి అన్యమత ప్రచారం జరుగుతుంటే ఎందుకు మిన్నకుండి పోయారని ప్రశ్నించారు. వాటికన్ సిటీ, మక్కా తరహాలో తిరుపతిని హిందూ ప్రాంతంగా ప్రభుత్వం తీర్చి దిద్దాలని, అందుకు తితిదే కృషి చేయాలన్నారు.

టిటిడిఈవో ఎల్వీ సుబ్రహ్మణ్యానికి వినతిపత్రం ఇచ్చారు. ఈ దీక్షలో విశ్రాంత డిజిపి టిఎస్ రావు, హైకోర్టు మాజీ న్యాయమూర్తి జస్టిస్ పర్వతరావు, తిరుమల తిరుపతి సంరక్షణ సమితి కార్యదర్శి లక్ష్మణాచార్య, మనోహరరావు, నరేంద్ర తదితరులు పాల్గొన్నారు. శిథిలావస్థలో ఉన్న శ్రీవారి తల్లి వకుళమాత ఆలయాన్ని పునర్నిర్మించాలని డిమాండ్ చేస్తూ ఆదివారం పరిపూర్ణానంద స్వామి భక్తులతో కలసి తిరుపతి సమీపంలో ఉన్న పేరూరులోని వకుళమాత ఆలయాన్ని సందర్శించనున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Sree Peetham Swami Paripoornananda Saraswati demanded government to announce Tirumala as World Hindu centre.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more