• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సిఎం అటెండర్‌లా చేతులు కట్టుకున్నారు: గాలి ఎద్దేవా

By Srinivas
|

Gali Muddukrishnama Naidu
హైదరాబాద్: ముఖ్యమంత్రి కిరణ్ కుమార్ రెడ్డి ఢిల్లీలో తన పదవిని కాపాడుకునేందుకు అటెండర్‌లా చేతులు కట్టుకొని కూర్చున్నారని తెలుగుదేశం పార్టీ నేత గాలి ముద్దుకృష్ణమ నాయుడు శనివారం విమర్శించారు. ఎన్టీఆర్ భవనంలో ఏర్పాటు చేసిన విలేకరుల సమావేశంలో ఆయన మాట్లాడారు. పత్రికల్లో ఫొటోలు చూస్తే కేంద్రమంత్రి జైరాం రమేష్.. ఢిల్లీలోని తన ఛాంబర్లో మన ముఖ్యమంత్రి మొహం మీద బూటు కాలు పెట్టి మాట్లాడుతున్నట్లుగా ఉందన్నారు.

సిఎం అటెండర్‌లా చేతులు కట్టుకొని కూర్చుని ఉన్నారన్నారు. రాష్ట్రం నుంచి రాజ్యసభకు ఎన్నికైన జైరాం ఇలా వ్యవహరించడం ఘోరమని, రాష్ట్రానికి ఇంతకంటే అవమానం మరొకటి లేదన్నారు. ఓ గ్రామ సర్పంచి అయినా ఢిల్లీ వెళ్తే మరింత ఆత్మ విశ్వాసంతో వ్యవహరిస్తారని, కానీ.. కిరణ్ పదవిని కాపాడుకోవడానికి ఢిల్లీ పెద్దల చుట్టూ దేహీ అని తిరిగారని విమర్శించారు. పదవి లేకపోతే చచ్చిపోతారా? ఎందుకీ గులాం గిరీ? ఏఐసిసి అధ్యక్షురాలు సోనియా గాంధీ ఇటలీ రాణి మాదిరిగా కూర్చుంటే సిఎంలు, మంత్రులు పదవులు కాపాడుకోవడానికి ప్రదక్షిణలు చేస్తున్నారన్నారు.

కొత్త సిఎం, కేబినెట్ వస్తే అయినా రాష్ట్రం బాగుపడుతుందన్నారు. కృష్ణా డెల్టాకు నీరు విడుదల చేయాలని ధర్నా చేసిన రైతులను అరెస్టు చేయడం దారుణమని విమర్శించారు. వ్యవసాయం, రెవెన్యూ, నీటి పారుదల శాఖలకు ఎవరు మంత్రో తెలియడం లేదని మండిపడ్డారు. పార్లమెంటులో ఎన్టీఆర్ విగ్రహం పెట్టడంలో జాప్యానికి చంద్రబాబే కారణమని మాజీ ఎంపీ యార్లగడ్డ లక్ష్మీప్రసాద్ ఆరోపించడం దారుణమని, బాబు చలవతో ఆరేళ్ళు ఎంపీగా ఉన్నానన్న విషయం విస్మరించి యార్లగడ్డ మాట్లాడుతున్నారని ముద్దుకృష్ణమ అన్నారు.

English summary
Telugudesam party leader Gali Muddukrishnama Naidu has lashed out at central minister Jairam Ramesh that, he was treated CM Kiran Kumar Reddy as attender.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X