ముంబై యువతే ఆశలు పెంచుతోంది: ఒబామా

ఐక్యరాజ్య సమితి: ముంబై వంటి నగరాల్లోని యువతనే తనలో ఆశలు పెంచుతోందని అమెరికా అధ్యక్షు

అన్నారు. ముంబై, సియోల్, జకార్తా వంటి నగరాల్లోని యువత తనలో ఆశలు పెంచుతున్నట్లు ఆయన తెలిపారు. వాళ్లు తమ విజ్ఞానాన్ని మానవాళి ప్రయోజనాలకు వాడుతున్నారని, ప్రపంచంపై ఆశను వారే పెంచుతున్నారని ఆయన అన్నారు.

రాజకీయ నాయకుల చర్యలు తనలో ఆశను పెంచడం లేదని, తాను చూసిన ప్రజలే ఆశలు కలిగిస్తున్నారని ఆయన అన్నారు. ప్రపంచానికి ఆవలి సగం కొత్తవాళ్ల కోసం అమెరికా సైనికులు తమ జీవితాలను ఫణంగా పెట్టి వికలాంగులు అవుతున్నారని ఆయన అన్నారు.

జకార్తా, సియోల్‌ల్లోని విద్యార్థులు తమ విజ్ఞానాన్ని మానవాళికి వాడాలని చూస్తున్నారని, ముంబై విద్యాసంస్థల్లోని యువత హామీ ఇస్తోందని ఆయన అన్నారు. ఐక్యరాజ్య సమితి సర్వసభ్య సమావేశంలో ఆయన ప్రసంగించారు.

తమను విభజించే అంశాలు వార్తలుగా మారుతున్నాయని, వాటిపై రాజకీయ చర్చలు సాగుతున్నాయని, దాన్ని పక్కన పెట్టి చూస్తే స్వేచ్ఛాజీవనం సాగించాలనే కోరిక, శ్రమశక్తి సౌందర్యాన్ని గౌరవించే తీరు కనిపిస్తుందని, ప్రజలకు ప్రభుత్వాలు సేవ చేసినప్పుడే న్యాయం జరుగుతుందని ఆయన అన్నారు.