• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ప్రభుత్వంతో కావూరి ఢీ, ఇక ప్రతిపక్షపాత్ర: ఏ పార్టీలోకి?

By Srinivas
|
MP Kavuri Sambasiva Rao
హైదరాబాద్/ఏలూరు: మంత్రివర్గ విస్తరణలో తనకు అవకాశం దక్కక పోవడంతో తీవ్ర అసంతృప్తికి లోనైన ఏలూరు పార్లమెంటు సభ్యులు కావూరి సాంబశివ రావు సొంత ప్రభుత్వంపై ప్రత్యక్ష పోరుకు సిద్ధమైనట్లుగా కనిపిస్తోంది. క్రమంగా ఆయన స్వరం మారుతోంది. తాజాగా ఆయన కొల్లేరు సమస్యలపై ప్రభుత్వంతో తాడోపేడో తేల్చుకునేందుకు సిద్ధమయ్యారు. ఆయన తన నియోజకవర్గంలో పర్యటించారు.

ఈ సందర్భంగా పలువురు కొల్లేరు సమస్యను ఆయన దృష్టికి తీసుకు వచ్చారు. ఆయన మాట్లాడుతూ... నెల రోజుల్లో ఈ సమస్యను పరిష్కరించాలని రాష్ట్ర ప్రభుత్వానికి ఆల్టిమేటం జారీ చేశారు. అంతేకాదు ఈ సమస్యను తాను పెట్టిన గడువులోగా తీర్చని పక్షంలో ఏలూరులో మహాధర్నా చేపడతానని హెచ్చరించారు. కావూరి ఈ ప్రకటన ద్వారా ఆయన స్వరం క్రమంగా మారుతోందని అంటున్నారు.

ఇటీవల జరిగిన కేంద్రమంత్రి వర్గ విస్తరణలో ఆయనకు అధిష్టానం మొండి చేయి చూపడంతో ఆయన అసంతృప్తికి లోనైన విషయం తెలిసిందే. ప్రధానమంత్రి మన్మోహన్ సింగ్ నచ్చజెప్పినప్పటికీ ఆయన అసంతృప్తి చల్లారలేదు. ఆయన వైయస్సార్ కాంగ్రెసు పార్టీ వైపు మొగ్గు చూపుతున్నట్లుగా వార్తలు వచ్చాయి. మీడియా ఈ విషయంపై అడిగితే కూడా ఆయన మాట్లాడేందుకు నిరాకరించారు. దీంతో అనుమానాలు మరింత బలపడ్డాయి.

అధిష్టానం కూడా అతను పార్టీ మారుతాడనే నిర్ణయానికి వచ్చినట్లుగా తెలుస్తోంది. అయితే అతను ఏ పార్టీలో చేరుతారనే విషయమై పెదవి విప్పక పోవడంతో వైయస్సార్ కాంగ్రెసు పార్టీలోనే చేరతారా ఇంకా ఏదైనా పార్టీలో చేరతారా అనే ప్రశ్న పలువురుని తొలుస్తోంది. అయితే జగన్ పార్టీ మినహా మరో పార్టీలో ఆయన చేరే అవకాశాలు లేవని అంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని kavuri sambasiva rao వార్తలుView All

English summary
Eluru MP Kavuri Sambasiva Rao is ready to play opposition in role on Congress government.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more