• search

అఫ్జల్ గురుకు ఉరి: మూడు రోజులు కాశ్మీర్ బంద్

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Syed Ali Shah Geelani
    శ్రీనగర్: న్యూఢిల్లీలోని తీహార్ జైలులో అఫ్జల్ గురుకు ఉరిశిక్ష అమలు చేయడాన్ని నిరసిస్తూ ఆల్ పార్టీస్ హురియత్ కాన్ఫరెన్స్ (జి) చైర్మన్ సయ్యద్ అలీ షా గిలానీ మూడు రోజుల బంద్‌కు పిలుపునిచ్చారు. అఫ్జల్ గురు ఉరిని ప్రజాస్వామ్య హత్యగా ఆయన అభివర్ణించారు. కాశ్మీర్‌లో కర్ఫ్యూ విధించడం ప్రజాస్వామిక సూత్రాలకు భంగకరమని అన్నారు.

    జమ్మూ కాశ్మీర్ లిబరేషన్ ఫ్రంట్ (జెకెఎల్ఎఫ్) వ్యవస్థాపకుడు మక్భూల్ భట్‌కు తీహార్ జైలులో 1984 ఫిబ్రవరి 11వ తేదీన ఉరిశిక్ష అమలు జరిగింది. అతన్ని తీహార్ జైలులోనే ఖననం చేశారు. అఫ్జల్ గురును ఉరితీసిన నేపథ్యంలో కాశ్మీర్‌లో కర్ఫ్యూ విధించారు.

    కాగా, జమ్మూ కాశ్మీర్ ముఖ్యమంత్రి ఒమర్ అబ్దుల్లా శుక్రవారం న్యూఢిల్లీలోనే ఉన్నారు. అఫ్జల్ గురు మెర్సీ పిటిషన్‌ను తిరస్కరించినట్లు ఆయనకు తెలియదని అంటున్నారు. ఇళ్ల నుంచి బయటకు రావద్దని శ్రీనగర్‌తో పాటు ఇతర నగరాల్లో అధికారులు లౌడ్ స్పీకర్ల ద్వారా ప్రజలకు సూచిస్తున్నారు. భారీగా పారా మిలిటరీ బలగాలను మోహరించారు.

    అవాంఛనీయ సంఘటనలు జరగకుండా శ్రీనగర్ - జమ్మూ జాతీయ రహదారిని అధికారులు మూసేశారు. వేర్పాటువాద నాయకుల ఇళ్ల వద్ద భారీగా పారా మిలిటరీ బలగాలను మోహరించారు. వీధుల్లోకి వచ్చి హంగామా చేయకుండా నిరోధించేందుకు ఆ బలగాలను మోహరించారు.

    మక్బూల్ భట్ ఉరిశిక్షను నిరసిస్తూ ఫిబ్రవరి 11వ తేదీన జెకెఎల్ఎఫ్ కార్యకర్తలు అమర వీరుల దినాన్ని నిర్వహించడానికి ఏర్పాటు చేస్తున్న నేపథ్యంలో అఫ్జల్ గురుకు ముందుగానే ఉరిశిక్ష అమలైంది. ఉత్తర కాశ్మీర్‌లో సోపోర్‌కు చెందిన అఫ్జల్ గురు జైషే మొహమ్మద్ కార్యకర్త.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Chairman of All Parties Hurriyat Conference (G) Syed Ali Shah Geelani on Saturday called for a three-day shutdown against the hanging of Afzal Guru at Tihar Jail in New Delhi. He said Guru's hanging is a "murder of democracy" and "imposing curfew is against the basic principles of democracy."

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more