• search

సాక్షి, మైసూరాలపై సభా హక్కుల నోటీసు యోచన?

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Mysoora Reddy-Sakshi Daily
    హైదరాబాద్: వైయస్సార్ కాంగ్రెసు పార్టీ సీనియర్ నేత, పొలిట్ బ్యూరో సభ్యుడు మైసూరా రెడ్డి పైన, ఆ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి చెందిన సాక్షి దిన పత్రిక పైన సభా హక్కుల ఉల్లంఘన నోటీసులు ఇచ్చే అవకాశాలు ఉన్నట్లుగా వార్తలు వస్తున్నాయి. వైయస్సార్ కాంగ్రెసు పార్టీ ఎమ్మెల్యేలు చెప్పింది స్పీకర్ వినలేదని ఆయన విమర్శించారని, అందుకు మైసూరా, సాక్షిలపై సభా హక్కుల ఉల్లంఘన నోటీసు ఇచ్చే అవకాశాలు ఉన్నాయని వార్తలొస్తున్నాయి. శాసనసభా వ్యవహారాల కార్యదర్శి నోటీసుపై యోచిస్తున్నట్లుగా సమాచారం.

    కాంగ్రెసుకు టిడిపి దగ్గరవుతోంది

    తెలుగుదేశం పార్టీ అధ్యక్షుడు నారా చంద్రబాబు నాయుడు అధికార కాంగ్రెసు పార్టీ మీద తన వస్తున్నా మీకోసం పాదయాత్రలో విమర్శలు చేస్తూ అసెంబ్లీలో కాపాడుతున్నారని వైయస్సార్ కాంగ్రెసు పార్టీ ఎమ్మెల్యే శ్రీకాంత్ రెడ్డి విమర్శించారు. టిడిపి కాంగ్రెసులో కలవడం ఖాయమన్నారు. టిడిపి ఎమ్మెల్యేలు ఖద్దరు టోపీలు ధరించి వచ్చారని, ఇదే ఆ పార్టీలు కలుస్తాయనేందుకు మంచి ఉదాహరణ అన్నారు.

    కిరణ్ కుమార్ రెడ్డి ప్రభుత్వాన్ని చంద్రబాబే కాపాడుతున్నారని మండిపడ్డారు. అసెంబ్లీలో ప్రజా సమస్యలు చర్చకు రాకపోవడానికి కారణం అధికార కాంగ్రెసు, ప్రధాన ప్రతిపక్షం తెలుగుదేశం పార్టీయే కారణమన్నారు. బడ్జెట్‌కు, కార్యాచరణకు తేడా తెలియని మంత్రులు మంత్రివర్గంలో ఉండటం సిగ్గు చేటు అని, వారు వెంటనే తమ పదవులకు రాజీనామా చేయాలని శ్రీకాంత్ రెడ్డి డిమాండ్ చేశారు. చంద్రబాబు ప్రజలను మభ్యపెట్టే ప్రయత్నాలు చేస్తున్నారన్నారు.

    ప్రజా సమస్యలు సభలో చర్చకు రాకుండా అధికార పార్టీ సభను వాయిదా వేసి పారిపోతోందని ఆ పార్టీ విమర్శించింది. సభలో ఏ అంశం చర్చకు రావడం లేదని వారు ఆవేదన వ్యక్తం చేశారు. భేషజాలకు పోకుండా సభను నిర్వహించాలని వైయస్సార్ కాంగ్రెసు పార్టీ విజ్ఞప్తి చేసింది.

    English summary
    It is said that Congress is actively considering moving a privilege motion against YSR Congress Party leader Mysoora Reddy and Sakshi daily.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more