• search

కావూరితో వెంకయ్య ఆసక్తికర వ్యాఖ్య, నవ్వించిన బొత్స

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Kavuri Sambasiva Rao - Venkaiah Naidu
    న్యూఢిల్లీ: భారతీయ జనతా పార్టీ సీనియర్ నేత, రాజ్యసభ సభ్యుడు వెంకయ్య నాయుడు కాంగ్రెస్ పార్లమెంటు సభ్యుడు కావూరు సాంబశివ రావుతో మంగళవారం పార్లమెంట్ సెంట్రల్ హాలులో ఆసక్తికరమైన వ్యాఖ్యలు చేశారు. ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ ఎంపీలు కావూరు సాంబశివ రావు, రాపోలు ఆనంద భాస్కర్ తదితరులతో మాట్లాడుతుండగా వెంకయ్య నాయుడు అక్కడికి వచ్చారు.

    రాగానే ఆయన కావూరిని చూసి మీరేమిటి తిరుపతిలో హోంమంత్రి సుశీల్ కుమార్ షిండే ప్రధాని మంత్రి అవుతారని చెప్పారని అడిగారు. దీనికి కావూరు జవాబివ్వకుండా నవ్వుతూ కూర్చున్నారు. ఆ తర్వాత వెంకయ్యనే కావూరిని ఉద్దేశించి రాష్ట్రంలో బిజెపికి అనుకూల పవనాలు వీస్తున్నాయని చెప్పారు.

    గుజరాత్ ముఖ్యమంత్రి నరేంద్ర మోడీ ప్రధానమంత్రి కావాలని మీ నియోజకవర్గమైన ఏలూరులోనే 60 శాతం మంది ప్రజలు భావిస్తున్నారని చెప్పారు. కాంగ్రెస్ ఎంతకాలం ఉంటే తమకు అంత ప్రయోజనం చేకూరుతుందని, అయితే ఇప్పుడైనా ఎన్నికలకు సిద్ధమేనని వెంకయ్య చెప్పారు.

    రాష్ట్రంలోను, కేంద్రంలోనూ కాంగ్రెస్ ప్రభుత్వం తిరిగి అధికారంలోకి రాదని వెంకయ్య నాయుడు వ్యాఖ్యానించినప్పుడు బొత్స జోక్యం చేసుకుని.. నిండా మునిగాక చలేమిటని వ్యాఖ్యానించారట. బొత్స వ్యాఖ్యలు అక్కడున్న వారందరికీ నవ్వు తెప్పించింది. అంతలోనే సర్దుకున్న బొత్స మీరన్నట్లుగా నరేంద్ర మోడీకి పట్టణాల్లో కొంత అనుకూలత ఉండవచ్చనని కాని, గ్రామాల్లో మాత్రం ఆయనకు ఓట్లు రావని చెప్పారు.

    English summary
    
 BJP senior leader Venkaiah Naidu has told to Eluru MP Kavuri Sambasiva Rao that BJP will win in 2014 general elections.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more