• search

జూ ఎన్టీఆర్: జగన్నే కోరుకంటున్నారని జోగి సంచలనం

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Jogi Ramesh
    విజయవాడ: కృష్ణా జిల్లా పెడన కాంగ్రెసు తిరుగుబాటు శాసన సభ్యుడు జోగి రమేష్ శుక్రవారం సంచలన వ్యాఖ్యలు చేశారు. కృష్ణా జిల్లాలో వైయస్సార్ కాంగ్రెసు పార్టీకి చెందిన ఫ్లెక్సీలలో హీరో జూనియర్ ఎన్టీఆర్ ఫోటోలు ఇటీవల కనిపిస్తున్న విషయం తెలిసిందే. ఈ అంశంపై జోగి స్పందించారు. నందమూరి అభిమానులు ప్రస్తుతం తెలుగుదేశం పార్టీ అధ్యక్షుడు నారా చంద్రబాబు నాయుడు నాయకత్వాన్ని కోరుకోవడం లేదన్నారు.

    నందమూరి అభిమానులు అందరు ఇప్పుడు వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి నాయకత్వాన్ని కోరుకుంటున్నారని చెప్పారు. ఇటీవల జూనియర్ ఎన్టీఆర్ విజయవాడకు వచ్చినప్పుడు ఆయన కార్యక్రమంలో పాల్గొనవద్దని చంద్రబాబు నాయుడు నాయకులను, కార్యకర్తలను ఆదేశించారని ఆరోపించారు. చంద్రబాబు నందమూరి అభిమానుల నమ్మకాన్ని కోల్పోయారన్నారు. అందుకే జగన్‌ను కోరుకుంటున్నారని చెప్పారు. జగన్ సోదరి షర్మిల పాదయాత్రను ఎన్టీఆర్ అభిమానులు స్వాగతిస్తున్నారన్నారు.

    కాగా, కరెంటు ఛార్జీలపై ముఖ్యమంత్రి ప్రకటన కంటితుడుపు చర్య అని వైయస్సార్ కాంగ్రెసు పార్టీ ఎమ్మెల్యే నల్లపురెడ్డి ప్రసన్న కుమార్ రెడ్డి హైదరాబాదులో అభిప్రాయపడ్డారు. ముఖ్యమంత్రి కిరణ్ కుమార్ రెడ్డికి గ్రామాల్లో ప్రజల సమస్యలు పట్టడం లేదన్నారు. ఆయన కేంద్రం దిగుమతి చేసుకున్న వస్తువు అన్నారు.

    దీక్ష చేస్తున్న తమ ఎమ్మెల్యేలను బలవంతంగా అరెస్టు చేస్తే ప్రజాక్షేత్రంలోకి వెళ్లి పోరాటం చేస్తామన్నారు. ఎమ్మెల్యేలకు ఆరోగ్యం క్షీణించిందని.. అయినా ప్రజల కోసం ప్రాణాలు అర్పించేందుకైనా సిద్ధంగా ఉన్నారని ఈ సందర్బంగా నల్లపురెడ్డి ప్రసన్న కుమార్ రెడ్డి అన్నారు.

    English summary
    Krishna district Peadana MLA Jogi Ramesh make controversial comments that Nandamuri fans are not believing TDP chief Nara Chandrababu Naidu. He said they are believing YS Jaganmohan Reddy.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more