దారుణం: యువతిని హత్య చేసి ముఖం కాల్చేశారు

హైదరాబాద్: తెలుగు సంవత్సరాది ఉగాది పర్వదినాన హైదరాబాద్‌లోని గండిపేట ఏరియాలో విషాద సంఘటన చోటుచేసుకుంది. ఓ యువతిని దుండగులు హత్య చేసి గుర్తుతెలియకుండా ముఖాన్ని కాల్చేశారు. గస్తీ పోలీసులు బుధవారం అర్థరాత్రి దాటిన తర్వాత ఈ విషయాన్ని గమనించారు.

బుధ అర్ధరాత్రి ఒంటిగంట నుంచి 2 గంటల సమయంలో ఇద్దరు పోలీసులు గండిపేట ఏరియాలో చౌరస్తా ప్రాంతం శివారున రోడ్డుపై గస్తీలో భాగంగా వెళ్తుండగా మంటలను గుర్తించారు. వారు అక్కడికి వెళ్లి చూడగా ఓ యువతి ముఖం కాలుతూ ఉంది. మంటలు అర్పారు. అయితే అప్పటికే ఆమె మరణించినట్లు వారు గుర్తించారు. వెంటనే అధికారులకు సమాచారం అందించారు.

ఎక్కడో హత్యచేసి ఇక్కడకు తీసుకొచ్చి ఆమెను గుర్తుపట్టకుండా ఉండేందుకు ముఖాన్ని పెట్రోల్ పోసి తగలెట్టారని పోలీసులు చెబుతున్నారు. ఆమె ధరించిన దుస్తుల ప్రకారం నయా సంపన్నవర్గానికి చెందిన అమ్మాయి అయి ఉంటుందని భావిస్తున్నారు.

యువతి వయస్సు 20 నుంచి 25 ఏళ్ల లోపు ఉంటుందని, ఆమె తలవెంట్రుకలు పూర్తిగా కాలిపోవడంతో ఎప్పుడో తగిలిన దెబ్బల గుర్తులు స్పష్టంగా కనిపిస్తున్నాయని ఆమెకు సంబంధించిన వివరాలు అందితే గానీ ఈ కేసు మిస్టరీ చేధించలేమని పోలీసులు అంటున్నారు.

English summary

A girl found dead at Gandipet in Hyderabad. unidentified persons tried to burn her dead body after killing.