• search

యాత్రకు ముందే షాక్: గంటాతో దాడి భేటీ, బాబు ఆరా

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Chandrababu Naidu - Dadi Veerabhadra Rao
    హైదరాబాద్/విశాఖపట్నం: తెలుగుదేశం పార్టీ సీనియర్ నేత దాడి వీరభద్ర రావు మంత్రి గంటా శ్రీనివాస రావుతో శుక్రవారం ఉదయం భేటీ అయ్యారు. గంటాతో దాడి భేటీ రాజకీయవర్గాల్లో చర్చనీయాంశమైంది. ఇటీవల ఎమ్మెల్సీ పదవిని ఆయన మరోసారి ఆశించారు. కానీ ఆయన స్థానంలో మాజీ మంత్రి, పార్టీ సీనియర్ నేత యనమల రామకృష్ణుడుకు ఎమ్మెల్సీగా పార్టీ అవకాశం ఇచ్చింది. దీంతో అప్పటి నుండి ఆయన పార్టీ పట్ల అసంతృప్తితో ఉన్నారు.

    ఎమ్మెల్సీ సీటు మరోసారి ఆశించి భంగపడిన దాడి గత కొద్దిరోజులుగా పార్టీ కార్యక్రమాలకు దూరంగా ఉంటున్నారు. ఈ రోజు తెలుగుదేశం పార్టీ అధ్యక్షుడు నారా చంద్రబాబు నాయుడు వస్తున్నా మీకోసం పాదయాత్ర విశాఖ జిల్లాలోకి అడుగు పెట్టనుంది. బాబు యాత్ర విశాఖ జిల్లాలోకి అడుగు పెట్టే సమయంలో దాడి మంత్రి గంటా శ్రీనివాస రావుతో భేటీ కావడం జిల్లా రాజకీయాల్లోనే కాకుండా మొత్తం చర్చనీయాంశమైంది.

    ఈ భేటీకి చాలా ప్రాధాన్యత ఏర్పడింది. అయితే, ఆయన టిడిపికి దూరం పోరని, కేవలం నియోజకవర్గ సమస్యల పైనే ఆయన గంటాతో మాట్లాడారని తెలుగుదేశం పార్టీ వర్గాలు చెబుతున్నాయి. పార్టీ ప్రయోజనాల కోసమే గంటాతో భేటీ అయ్యారని దాడి వర్గీయులు చెబుతున్నారు. అయితే, ఆయన రాజకీయాలతో పాటు విశాఖ టిక్కెట్ పైన కూడా అడిగి ఉంటారనే ప్రచారం జరుగుతోంది. కాగా వీరి భేటీపై చంద్రబాబు ఆరా తీసినట్లుగా సమాచారం.

    బాబుకు వైద్య పరీక్షలు

    తూర్పు గోదావరి జిల్లాలో వస్తున్నా మీకోసం పాదయాత్ర చేస్తున్న చంద్రబాబు నాయుడుకు ఈ రోజు వైద్యులు పరీక్షలు నిర్వహించారు. రెండు రోజులు విశ్రాంతి తీసుకోవాలని లేదంటే జీవితాంతం బాధపడవలసి వస్తుందని సూచించారు. కాకరాపల్లిలో బాబుకు వైద్య పరీక్షలు నిర్వహించారు. పార్టీ నేతలతో చర్చించి బాబు యాత్రపై నిర్ణయం తీసుకుంటామని గరికపాటి రామ్మోహన రావు చెప్పారు.

    English summary
    Telugudesam Party senior leader Dadi Veerabhadra Rao met Minister Ganta Srinivas Rao on Friday morning in Vishakapatnam.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more