విజయవాడలో 10 లక్షల మందికి ఆహారం అందించింది ఎవరో తెలుసా !

భారీ వర్షాలు, వరదల కారణంగా విజయవాడ నగరం అతలాకుతలం అయ్యింది. విజయవాడ ప్రజలను ఆదుకోవడానికి ఆంధ్రప్రదేశ్ లోని చాలా జిల్లాల ప్రజలు కూడా సహాయక చర్యల్లో పాల్గొంటున్నారు ఆంధ్రప్రదేశ్ వరద బాధితులు ఆదుకోవడానికి ఇప్పటికే పలువురు సినీ ప్రముఖులు, రాజకీయ నాయకులు భారీ మొత్తంలో విరాళాలు కూడా అందించారు.

విజయవాడ ప్రజలను ఆదుకోవడానికి చంద్రబాబు నాయుడు కూటమి ప్రభుత్వం కూడా శక్తివంచన లేకుండా పనిచేస్తుంది. వరద బాధితులను ఆదుకోవడానికి ఎవరికి చేతనైన సహాయం వారు చేయాలని ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కల్యాణ్ ప్రజలకు మనవి చేశారు. వరద బాధితులకు ఆహారం, తాగునీరు, నిత్యవసర కిట్లు అందిస్తున్నారు. వరద బాధితులకు అందిస్తున్న సహాయక చర్యల్లో నిర్లక్ష్యం వహిస్తే చూస్తూ సహించమని సీఎం చంద్రబాబు నాయుడు ఇప్పటికే సంబంధిత అధికారులకు వార్నింగ్ కూడా ఇచ్చారు.

గత ఐదు రోజుల్లో సుమారు పది లక్షల మందికి ఆహారం అందించామని అక్షయపాత్ర గుంటూరు, విజయవాడ ప్రెసిడెంట్ వంశీదాస ప్రభు చెప్పారు. ఆంధ్రప్రదేశ్ ప్రభుత్వం, దివీస్ ల్యాబ్ సహకారంతో కేవలం ఐదు రోజుల్లో 10 లక్షల మందికి ఆహారం పంపిణీ చేయగలిగామని వంశీదాస ప్రభు అన్నారు. ఆంధ్రప్రదేశ్ ప్రభుత్వం ఎప్పుడు ఎంత ఆహారం అడిగినా ఆ ఆహరం అందించడానికి తాము సిద్ధంగా ఉన్నామని, ముఖ్యమంత్రి చంద్రబాబు సహకారంతోనే ఇంత మందికి ఆహరం అందించగలిగామని వంశీదాస ప్రభు చెప్పారు.

ఆహారం వండినా ఆ ఆహారం వరద బాధితుల దగ్గరికి చేర్చడం చాలా గొప్ప విషయమని వంశీదాస ప్రభు అన్నారు. అక్షయపాత్ర చరిత్రలోనే ఇంత తక్కువ కాలంలో 10 లక్షల మందికి ఆహారం అందించడం రికార్డు అని వంశీదాస ప్రభు అన్నారు. ఆంధ్రప్రదేశ్ ప్రభుత్వం ఎన్ని రోజులు ఆహారం సరఫరా చేయమంటే అన్ని రోజులు ఆహారం సరఫరా చెయ్యడానికి మేము సిద్ధంగా ఉన్నామని అక్షయపాత్ర ప్రెసిడెంట్ వంశీదాస ప్రభు మీడియాకు చెప్పారు.

వరద బాధితులను ఆదుకోవడానికి ఆ దేవుడి ఆదేశాలతోనే తాము ఇంకా పెద్ద మొత్తంలో ఆహారం సరఫరా చేశామని అక్షయపాత్ర కు చెందిన వంశీదాస ప్రభు అన్నారు. వరద బాధితుల ఆకలి తీర్చడానికి సీఎం చంద్రబాబు సహకారంతో శక్తివంచన లేకుండా తాము ఆహారం అందించడానికి సిద్ధంగా ఉన్నామని, వరద బాధితులు ఎవ్వరూ ఆకలితో ఉండకూడదని మేము అనుకుంటున్నామని అక్షయపాత్ర వంశీదాస ప్రభు అన్నారు.

English summary

10 lakh Vijayawada flood victims were given food from Akshaya Patra