అఫైర్ ఆరోపణలు: కూతురితో పాటు మహిళ ఆత్మహత్య

హైదరాబాద్: ఆనుమానంతో చేసిన ఆరోపణ ఓ మహిళతో పాటు ఓ బాలిక ప్రాణాలు బలి తీసుకుంది. 23 ఏళ్ల గృహిణితన రెండేళ్ల కూతురికి నిప్పంటించి, తాను కూడా నిప్పంటించుకుని ఆత్మహత్య చేసుకుంది. ఈ సంఘటన మంగళవారంనాడు హైదరాబాదులోని చిక్కడపల్లిలో చోటు చేసుకుంది.

మృతులను 23 ఏళ్ల లత, ఆమె రెండేళ్ల కూతురు యోగితగా గుర్తించారు. లత స్టోన్ కట్టర్ కుమార్‌ను వివాహం చేసుకుంది. మంగళవారంనాడు కుమార్ కజిన్ నర్సింహ భార్య, సోదరి లత ఇంటికి వచ్చారు. నర్సింహతో అక్రమ సంబంధం పెట్టుకున్నావంటూ లతను తిట్టిపోశారు.

తీవ్ర మనస్తాపానికి గురైన లత వారి వెళ్లిపోగానే కూతురిని చంపి, తాను ఆత్మహత్య చేసుకుంది. వారు లతను తిట్టడమే కాకుండా కొట్టారు కూడా.

లత తన కూతురు ఒంటిపై కిరోసిన్ పోసింది, తన ఒంటిపై కూడా పోసుకుంది. కూతురికి నిప్పంటించి, తాను నిప్పు పెట్టుకుంది. ఈ విషాద సంఘనట స్థానికంగా తీవ్ర కలవరానికి గురి చేసింది.

English summary

Accused of adultery, a 23-year-old housewife set herself ablaze along with her two-year-old daughter at their house in Chikkadpally on Tuesday.