ఆయేషా మీరా హత్య కేసు: ఎట్టకేలకు పునర్విచారణ, సిట్ ఏర్పాటు, పర్యవేక్షక బాధ్యత గౌతమ్ సవాంగ్ కు

సంచలనం సృష్టించిన ఆయేషా మీరా హత్య కేసులో పునర్విచారణ జరపాలని ఆంధ్రప్రదేశ్ ప్రభుత్వం నిర్ణయించింది. ఈ నేపథ్యంలో ఈ కేసు విచారణ నిమిత్తం స్పెషల్ ఇన్వెస్టిగేషన్ టీం(సిట్)ను ఏర్పాటు చేసింది.

అమరావతి: సంచలనం సృష్టించిన ఆయేషా మీరా హత్య కేసులో పునర్విచారణ జరపాలని ఆంధ్రప్రదేశ్ ప్రభుత్వం నిర్ణయించింది. ఈ నేపథ్యంలో ఈ కేసు విచారణ నిమిత్తం స్పెషల్ ఇన్వెస్టిగేషన్ టీం(సిట్)ను ఏర్పాటు చేసింది.

డీఐజీ స్థాయి అధికారి నేతృత్వంలో ఈ ప్రత్యేక విచారణ బృందం (సిట్)ను ఏర్పాటు చేశారు. సిట్ పర్యవేక్షక బాధ్యతలను విజయవాడ పోలీసు కమిషనర్ గౌతమ్ సవాంగ్ కు ప్రభుత్వం అప్పగించింది.

2007లో విజయవాడ ఇబ్రహీంపట్నంలోని ఓ హాస్టల్లో ఆయేషా మీరా హత్యకు గురైన విషయం, ఈ కేసులో ప్రధాన నిందితుడిగా ఉన్న సత్యంబాబును నిర్దోషిగా తేలుస్తూ కోర్టు తీర్పు నివ్వడం తెలిసిందే.

ఇప్పుడు తాజాగా ఈ కేసులో మళ్లీ విచారణ జరగనుంది. ఇప్పుడైనా అసలు దోషులు బయటికి వస్తారా? ప్రత్యేక విచారణ బృందా ఎలాంటి ఒత్తిళ్లకు గురికాకుండా ఈ కేసులో దోషులను అరెస్టు చేసి కోర్టు ఎదుట హాజరుపరుస్తుందా? ఈ ప్రశ్నలకు సమాధానాలు లభించాలంటే మరికొంత కాలం వేచి ఉండాల్సిందే!

English summary

Ayesha Miera murder case has created sensation across the state in the year 2007 and the AP Government has taken decision to re-investigate into this case. The AP Government has set-up a SIT to re-investigate into this case and the responsibility of supervising the investigation is accorded to Vijayawada CP Gautham Sawang. Further a DIF cadre officer will be heading this SIT, which will be probing this case, where Ayesha was raped and murdered at Ibrahimpatnam in the outskirts of Vijayawada.