తప్పిన పెను ప్రమాదం: కుప్పకూలిన 4అంతస్తుల భవనం
గుంటూరు: నగరంలో పెను ప్రమాదం తప్పింది. పాతగుంటూరులోని మణి హోటల్ సెంటర్లో శనివారం మధ్యాహ్నం ఒక్కసారిగా నాలుగంతస్తుల భవనం కుప్పకూంది. ఈ ఘటనలో ఎటువంటి ప్రాణనష్టం జరగకపోవడంతో అంతా ఊపిరి పీల్చుకున్నారు.
కార్పొరేషన్ అధికారులు ఈ ప్రాంతంలో కొద్ది రోజులుగా రోడ్డు విస్తరణ పనులు చేపడుతున్నారు. అభివృద్ధి పనుల్లో భాగంగా రోడ్డుకు ఇరువైపులా మురికి కాలువల తవ్వకాలు జరిపారు. దీనిలో భాగంగా పసుపులేటి నరసింహారావుకు చెందిన భవంతి ముందు భాగంలో మురికి కాలువ తవ్వకాలు చేశారు.
అయితే, ఈ తవ్వకాల్లో భవంతి పునాది బాగా దెబ్బతింది. శనివారం మధ్యాహ్నం పునాది కుంగిపోవటంతో భవంతి ఒక్కసారిగా కుప్పకూలింది. భవనానికి మరమ్మతులు చేసేందుకు వచ్చిన కార్మికులు బయటికి పరుగులు తీయడంతో పెను ప్రమాదం తప్పింది.
Click it and Unblock the Notifications
Sign in with Google