బాబుపై నిందలొద్దు: జగన్‌కు కాల్వ, వైఎస్సార్ కడపపై..

హైదరాబాద్: వైయస్సార్ కాంగ్రెసు పార్టీ అధ్యక్షులు వైయస్ జగన్మోహన్ రెడ్డి పైన తెలుగుదేశం పార్టీ సీనియర్ నేత కాల్వ శ్రీనివాసులు శుక్రవారం ధ్వజమెత్తారు. జగన్ హత్యా రాజకీయాల గురించి మాట్లాడటం విడ్డూరమన్నారు. వైయస్ హయాంలోనే చాలామంది టీడీపీ కార్యకర్తలు హత్యగావించబడ్డారన్నారు.

చంద్రబాబు పైన వైయస్ జగన్, ఆయన పార్టీ నేతలు నిందలు వేయడం మానుకోవాలని హితవు పలికారు. ప్రజాస్వామ్యం గురించి జగన్ మాట్లాడుతుంటే నవ్వొస్తుందన్నారు.

వైయస్సార్ కాంగ్రెసు పార్టీ నేతలు రాజకీయ విలువల గురించి మాట్లాడితే.. ఆ విలువలు తగ్గుతాయన్నారు. ప్రజాస్వామ్యం అంటూ ఢిల్లీలో గొంతు చించుకుంటున్న జగన్, తండ్రి అధికారాన్ని అడ్డం పెట్టుకుని అనేక అక్రమాలు సాగించాడన్నారు.

జిల్లా పేరు మార్చండి: టీడీపీ

వైయస్సార్ కడప జిల్లా పేరు మార్చాలని తెలుగుదేశం పార్టీ నేతలు ముఖ్యమంత్రి చంద్రబాబు నాయుడును కోరినట్లుగా తెలుస్తోంది. కడప జిల్లాగా పేరు మార్చాలంటూ వారు చంద్రబాబుకు విజ్ఞప్తి చేశారట.

English summary

Telugudesam Party senior leader Kalva Srinivasulu on friday suggested YS Jagan that don't blame Chandrababu.