• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజీనామాలు ఆమోదించను: స్పీకర్, మళ్లీ వస్తాం.. వైసీపీ ఎంపీలు, 'హాజరైనా జాప్యం ఎందుకు'

By Srinivas
|

న్యూఢిల్లీ: ఆంధ్రప్రదేశ్‌కు ప్రత్యేక హోదా ప్రకటించాలని కోరుతూ తమ ఎంపీ పదవులకు రాజీనామా చేసిన వైయస్సార్ కాంగ్రెస్ పార్టీ ఎంపీలు మంగళవారం లోకసభ స్పీకర్‌ సుమిత్రా మహాజన్‌తో మంగళవారం సాయంత్రం భేటీ అయ్యారు. రాజీనామా చేయడానికి గల కారణాలను ఆమె వారిని అడిగి తెలుసుకున్నారు. రాజీనామాలు భావోద్వేగంతో చేసినట్లుగా ఉందని, పునరాలోచించుకోవాలని ఆమె సూచించారు. అనంతరం వారం రోజుల తర్వాత కలవాలని చెప్పారు.

భావోద్వేగంతో రాజీనామాలు, మళ్లీ ఆలోచించండి: వైసీపీ ఎంపీలకు స్పీకర్ సుమిత్ర

స్పీకర్‌తో భేటీ అనంతరం ఎంపీలు మీడియాతో మాట్లాడారు. మా రాజీనామాలు ఆమోదించాలని స్పీకర్‌ను కోరామని వైవీ సుబ్బారెడ్డి చెప్పారు. రాజీనామాలపై మరోసారి ఆలోచించాలని స్పీకర్ కోరారని, మేం మాత్రం తక్షణమే ఆమోదించాలని కోరామన్నారు. కర్ణాటకలో ఇద్దరు ఎంపీల రాజీనామాలు ఆమోదించారని, తమవి కూడా ఆమోదించాలని కోరినట్లు తెలిపారు. స్పీకర్ ఫార్మాట్లో రాజీనామాలు ఇచ్చామన్నారు.

ఏపీ స్పీకర్ పార్టీ మారిన ఎమ్మెల్యేలపై చర్యలు తీసుకోవడం లేదే?

ఏపీ స్పీకర్ పార్టీ మారిన ఎమ్మెల్యేలపై చర్యలు తీసుకోవడం లేదే?

ప్రత్యేక హోదా కోసం రాజీనామాలు చేసి ప్రజల్లోకి వెళ్తే బలం చేకూరుతుందనేది తమ నమ్మకమని వైవీ అన్నారు. రాజీనామాలు ఆమోదించకుంటే మళ్లీ వచ్చి స్పీకర్‌ను అడుగుతామని చెప్పారు. టీడీపీ ఎంపీలు కూడా మాతో పాటు రాజీనామా చేసి ఉంటే ఈ పరిస్థితి వచ్చి ఉండేది కాదన్నారు. మా ఎమ్మెల్యేలను టీడీపీ సంతలో పశువులను కొన్నట్లుగా కొన్నారని, వారిపై అసెంబ్లీ స్పీకర్ చర్యలు ఎందుకు తీసుకోవడం లేదని ప్రశ్నించారు. చంద్రబాబు డ్రామాలు ఆడుతున్నారని, హోదాపై తమ పోరాటం కొనసాగుతుందన్నారు.

రాజీనామాలు ఆఖరి అస్త్రం

రాజీనామాలు ఆఖరి అస్త్రం

ప్రత్యేక హోదా కోసం ఆఖరి అస్త్రంగా తాము రాజీనామాలు చేశామని మేకపాటి రాజమోహన్ రెడ్డి అన్నారు. తక్షణమే రాజీనామాలు ఆమోదించాలని కోరామని, లేదంటే మళ్లీ వచ్చి అడుగుతామని స్పీకర్‌తో చెప్పామన్నారు. హోదాతోనే ఏపీ అభివృద్ధి సాధ్యమని ఎంపీ వరప్రసాద్ అన్నారు. ఫిరాయింపుల అంశాన్ని కూడా స్పీకర్‌ను అడిగామని, ప్రివిలేజ్ కమిటీకి పంపామని చెప్పారని, వెంటనే చర్యలు తీసుకోకుంటే ఆ చట్టానికి అర్థం లేదన్నారు. స్వార్థ రాజకీయాల కోసం చంద్రబాబు బీజేపీతో నాలుగేళ్లు కలిసి ఉండి ఇప్పుడు కాంగ్రెస్ వైపు వెళ్తున్నారన్నారు. చంద్రబాబుకు ప్రజలు గుణపాఠం చెబుతారన్నారు.

ఉప ఎన్నికలకు మేం సిద్ధం

ఉప ఎన్నికలకు మేం సిద్ధం

ప్రజలలోకి వెళ్లేందుకు సీఎం చంద్రబాబు భయపడుతున్నారని ఎంపీ మిథున్ రెడ్డి అన్నారు. రాజీనామాలు చేస్తే ఓటమి చెందుతామని భయపడుతున్నారన్నారు. అందుకే ఎంపీల పార్టీ మారిన ఎమ్మెల్యేల అంశాన్ని పెండింగులో పెట్టారన్నారు. ఏపీ ప్రయోజనాల కోసం తమ రాజీనామాలు ఆమోదించాలని స్పీకర్‌ను కోరామని, ఉప ఎన్నికలకు తాము సిద్ధమన్నారు. కాగా, వారు భావోద్వేగంతో రాజీనామా నిర్ణయం తీసుకున్నారని, పునరాలోచన చేయాలని, ఇప్పుడు ఆమోదించనని, వచ్చే వారం రావాలని వైసీపీ ఎంపీలకు సూచించిన విషయం తెలిసిందే.

స్పీకర్ ఎదుట హాజరైనా ఆమోదించరా?

స్పీకర్ ఎదుట హాజరైనా ఆమోదించరా?

వైసీపీ ఎంపీల రాజీనామాల్లో చిత్తశుద్ధి లేదని తేలిపోయిందని మంత్రి యనమల రామకృష్ణుడు అంతకుముందు ఎద్దేవా చేశారు. రాజీనామాల పేరుతో వైసీపీ, బీజేపీ డ్రామాలాడుతున్నాయన్నారు. రాజీనామాలు ఆమోదించకుండా తాత్సారం చేయడమే ఇందుకు నిదర్శనమన్నారు. స్పీకర్‌ ఎదుట హాజరై రాజీనామాలు ఆమోదించమని కోరితే ఎందుకు జాప్యం చేస్తున్నారని ప్రశ్నించారు. కేంద్రంలో ఉన్న బీజేపీని గద్దె దించడమే టీడీపీ ధ్యేయమన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
Lok Sabha Speaker Sumitra Mahajan on Tuesday refused to accept the resignation of five YSR Congress MPs, telling the lawmakers to rethink their decision and revert to her in a couple of days.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more