అడ్డుకోబోయిన భర్తపై దాడి, గర్భిణిపై రేప్ యత్నం

హైదరాబాద్: కామంతో దుండుగులు కన్ను మిన్నూ కానకుండా వ్యవహరిస్తారని చెప్పడానికి హైదరాబాదులో దారుణ సంఘటన చోటు చేసుకుంది. ఓ నిండు గర్భిణిపై ఐదుగురు దుండగులు అత్యాచార యత్నానికి ప్రయత్నించారు. ఈ సంఘటన మూసీనది ఒడ్డున జరిగింది. అడ్డుకోబోయిన భర్తపై దుండగులు దాడి చేశారు.

కత్తులతో దాడి చేయడం వల్ల గాయపడిన మహిళ భర్త రామకృష్ణ ఉస్మానియా ఆస్పత్రిలో చికిత్స పొందుతున్నాడు. మహబూబ్‌నగర్ జిల్లా ముంగనూరు నుంచి హైదరాబాద్‌లోని ఉస్మానియా ఆస్పత్రికి వైద్యం కోసం వచ్చిన దంపతులకు ఈ దారుణమైన ఘటన ఎదురైంది. బహర్భూమికి వెళ్లేందుకు దంపతులు మూసీనది ఒడ్డుకు వచ్చారు. ఆ సమయంలో దుండగులు దాడికి దిగారు.

ఇదిలావుంటే, గుంటూరు జిల్లాలో దారుణం చోటు చేసుకుంది. ఇద్దరు చిన్నారులను బావిలో పడేసి తల్లి కూడా బావిలోకి దూకి ఆత్మహత్యకు పాల్పడింది. ఈ ఘటన ఆదివారం అర్థరాత్రి చోటు చేసుకుంది. గుంటూరు జిల్లా మాచర్ల మండలం చింతలతండాలో ఈ విషాద సంఘటన జరిగింది.

మహిళ కుటుంబ కలహాల కారణంగా తన ఇద్దరు చిన్నారులను బావిలో పడేసి తాను కూడా బావిలోకి దూకి ఆత్మహత్యకు పాల్పడింది. స్థానికంగా ఈ ఘటన తీవ్ర విషాదాన్ని కలుగజేసింది.

English summary

Five miscreants in Hyderabad near Musi river attempted to rape a pregnant woman came from Mahaboobnagar district.