• search
  • Live TV
విశాఖపట్నం వార్తల కోసం
నోటిఫికేషన్స్ పై క్లిక్ చేయండి  

ద్వివేదుల విశాలాక్షి కన్నుమూత: చిన్నయ్య ఇక లేరు

By Pratap
|
Dwivedula Vishalakshi
విశాఖపట్నం/ హైదరాబాద్: ప్రముఖ సాహితీవేత్త ద్వివేదుల విశాలాక్షి (85) శుక్రవారం సాయంత్రం కన్నుమూశారు. 1929 ఆగస్టు 15న విజయనగరంలో జన్మించిన ఆమె విద్యాభ్యాసం అక్కడే కొనసాగింది. తెలుగుతోపాటు ఇంగ్లిష్‌, హిందీ భాషల్లో పరిజ్ఞానం కలిగిన విశాలాక్షి అనేక కథలు, కవితలు, వ్యాసాలు, రేడియో నాటికలు రచించారు. అమెరికా, కెనడా, ఇంగ్లాండ్‌, మలేషియా, సింగపూర్‌ దేశాల్లో పర్యటించి తన సాహిత్య వాణి వినిపించారు.

1965లో‘వైకుంఠపాళి' నవలా రచనతో ప్రారంభమైన విశాలాక్షి సాహిత్య ప్రస్థానం 1995లో రాసిన ‘ఎంత దూరమీ పయనం' వరకూ కొనసాగింది. ఆమె మొత్తం 13 నవలలు రాశారు. విశాలాక్షి రచించిన ‘వారధి' నవలను‘రెండు కుటుంబాల కథ' పేరుతో 1969లో సినిమాగా తీశారు. ‘వస్తాడే మా బావ' సినిమాకు ఆమె మాటలు రాశారు. ఆమె కథలు ఎనిమిది సంపుటాలుగా వెలువడ్డాయి.

విశాలాక్షి రచించిన కొన్ని నవలలను కన్నడ, హిందీ భాషలలోకి అనువదించారు. ఆంధ్రప్రదేశ్‌ సాహిత్య అకాడమీ అవార్డు (1982), రాజాలక్ష్మీ ఫౌండేషన్‌ లిటరరీ అవార్డు (1999) సహా 13 పురస్కారాలను విశాలాక్షి అందుకున్నారు. పొట్టి శ్రీరాములు తెలుగు విశ్వవిద్యాలయం ఆమెకు 1998లో గౌరవ డీలిట్‌ ప్రదానం చేసింది. నేషనల్‌ బుక్‌ ట్రస్ట్‌(ఢిల్లీ) వారు.. ఆమె ‘వారధి' నవలను 1973లో పలు భారతీయ భాషలలోకి అనువదించి ప్రచురించారు.

యెండ్లూరి చిన్నయ్య మృతి

ప్రముఖ సాహితీవేత్త, కవి, అంబేద్కర్‌ జీవిత చరిత్ర తెలుగు అనువాదకుడు డాక్టర్‌ యెండ్లూరి చిన్నయ్య (82) శుక్రవారం కన్నుమూశారు. గత కొంతకాలంగా అనారోగ్యంతో బాధపడుతున్న ఆయన శుక్రవారం హైదరాబాద్‌లోని తన నివాసంలో తుదిశ్వాస విడిచారు. నెల్లూరు జిల్లా నరుకూరు గ్రామంలో 1933 మే 2వ తేదీన ఆయన జన్మించారు. విద్యార్థి దశ నుంచే బడుగు, బలహీనవర్గాల అభ్యున్నతి కోసం పోరాటాలు చేశారు.

రైల్వేలో ఉద్యోగానికి మూడు సంవత్సరాలకే రాజీనామా చేసి, స్నేహితులతో కలిసి అంబేద్కర్‌ మిషన్‌ను ప్రారంభించారు. దాని ద్వారా వివిధ జిల్లాల్లోని మురికివాడల్లో పర్యటించి రాత్రిబడులు నడుపుతూ దళితుల్లో చైతన్యాన్ని నింపారు. మానవహక్కులు, మత విప్లవాలపై భారతీయుల వాణిని వాషింగ్టన్‌లో వినిపించారు.

చిన్నయ్య రిపబ్లిక్‌పార్టీ తరఫునరెండుసార్లు పార్లమెంటుకు పోటీచేశారు. భార్య నాగమణితో కలిసి ఆంధ్ర రిపబ్లికన్‌, పీపుల్స్‌ హెరాల్డ్‌, ప్రజాబంధు పత్రిలకు ఎడిటర్‌గా పనిచేశారు. చిన్నయ్యకు భార్య విజయకుమారి, కుమార్తెలు సుమేధ, సునీత ఉన్నారు. చిన్నయ్య అంత్యక్రియలు బన్సీలాల్‌పేటలోని విద్యుత్‌ శ్మశానవాటికలో శనివారం నిర్వహించనున్నట్లు బంధువులు తెలిపారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
An eminent Telugu literary personality Dwivedula Vishalakshi passed away at Visakhapatnam. Yendluri Chinnaiah died in Hyderabad.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more