బాలయ్య హిందూపురం కోటలో రాహుల్ (పిక్చర్స్)

By Pratap

Published: Thursday, May 1, 2014, 11:24 [IST]

అనంతపురం: తెలంగాణలో పోలింగ్ ముగిసిన నేపథ్యంలో వివిధ పార్టీల జాతీయ నేతలు సీమాంధ్ర దారి పట్టారు. కాంగ్రెసు యువరాజు రాహుల్ గాంధీ బుధవారం సాయంత్రం అనంతపురం జిల్లా హిందూపురంలో జరిగిన ప్రచార సభలో పాల్గొన్నారు.

హిందూపురం శాసనసభా నియోజకవర్గం నుంచి నందమూరి హీరో బాలకృష్ణ తెలుగుదేశం పార్టీ అభ్యర్థిగా పోటీ చేస్తున్నారు. ఇప్పటికే బాలకృష్ణ, ఆయన కుటుంబ సభ్యులు ఆ నియోజకవర్గంలో విస్తృత ప్రచారం చేశారు. పైగా, హిందూపురం తెలుగుదేశం పార్టీకి పెట్టని కోట.

రాహుల్ గాంధీ తన ప్రసంగంలో సీమాంధ్ర ప్రజలకు విశ్వాసం కలిగించే ప్రయత్నం చేశారు. రాష్ట్ర విభజన నేపథ్యంలో సీమాంధ్ర ప్రజలకు హామీలు ఇస్తూ ఆకట్టుకునే ప్రయత్నం చేశారు. ప్రత్యర్థి పార్టీలపై విమర్శలు చేయకుండా, తమ పార్టీ సీమాంధ్ర ప్రజల కోసం చేపట్టే కార్యక్రమాల గురించి వివరించే ప్రయత్నం చేశారు.