సీల్డ్కవర్: కిరణ్కు మద్దతుగా రాహుల్ని లాగిన పితాని!
ప్రధానమంత్రి మన్మోహన్ సింగ్ నిర్ణయాన్ని రాహుల్ గాంధీయే తప్పుపట్టగా లేనిది సిడబ్ల్యూసి నిర్ణయాన్ని కిరణ్ కుమార్ రెడ్డి ప్రశ్నిస్తే తప్పేమిటన్నారు. రాష్ట్రంలో ముఖ్యమంత్రిని, మంత్రులను సీల్డ్ కవర్లో ఎన్నుకోవడం అధిష్టానం సంప్రదాయమని, ఆ విషయం తెలియకుండా కిరణ్ను కించపర్చడమేమిటన్నారు.
తెలంగాణ నేతల విమర్శల్లో వాస్తవం లేదన్నారు. మంత్రులే కిరణ్ను అలా అనడం బాధించిందన్నారు. రాష్ట్రం ఎప్పటికీ సమస్యగానే ఉంటుందన్నారు. రాష్ట్ర విభజన జరగదన్నారు. సీమాంధ్రలో ముఖ్యమంత్రి కిరణ్ కుమార్ రెడ్డి ఇప్పటికే ఛాంపియన్ అన్నారు. సీమాంధ్ర ప్రజల అభిప్రాయాలకు కేంద్రం విలువ ఇస్తుందన్న నమ్మకం తమకు ఉందని చెప్పారు.
కిరణ్ సమైక్యవాది కాదన్న దాడి
ముఖ్యమంత్రి కిరణ్ కుమార్ రెడ్డి సమైక్యవాది కాదని, ఆయన ఏఐసిసి అధ్యక్షురాలు సోనియా గాంధీ డైరెక్షన్లో డ్రామాలు ఆడుతున్నారని వైయస్సార్ కాంగ్రెసు పార్టీ నాయకులు దాడి వీరభద్ర రావు వేరుగా మండిపడ్డారు. ప్రభుత్వం పడిపోకుండా కాపాడేందుకే టిడిపి అధ్యక్షుడు నారా చంద్రబాబు నాయుడు తన ఎమ్మెల్యేలతో రాజీనామా చేయించలేదన్నారు.
Click it and Unblock the Notifications
Sign in with Google