హరీష్‌రావుకు షాక్: బారికేడ్లపై రాజభవన్ క్లారిటీ

హైదరాబాద్: ఆంధ్రప్రదేశ్, తెలంగాణ సచివాలయాల మధ్య బారికేడ్ల ఏర్పాటు వివాదంగా మారింది. ఆంధ్రప్రదేశ్, తెలంగాణ రాష్ట్రాలు భారత్, పాకిస్తాన్‌ దేశాలా అని ఆంధ్రప్రదేశ్ ముఖ్యమంత్రి నారా చంద్రబాబు నాయుడు చేసిన ప్రకటనపై తెలంగాణ మంత్రి హరీష్ రావు చేసిన ప్రకటనపై రాజభవన్ గురువారం వివరణ ఇచ్చింది.

హరీష్ రావు చేసిన ప్రకటనను వ్యతిరేకిస్తూ రాజభవన్ నుంచి గురువారం ఓ ప్రకటన విడుదలైంది. చంద్రబాబు ప్రకటనను ఖండిస్తూ బారికేడ్ల ఏర్పాటు నిర్ణయం గవర్నర్‌దేనని హరీష్ రావు అన్నారు. హరీష్ రావు వాదనను వ్యతిరేకిస్తూ రాజభవన్ నుంచి ప్రకటన విడుదలైంది.

రాష్ట్రపతి పాలన సందర్భంగా తెలంగాణ, ఆంధ్రప్రదేశ్ సచివాలయాలను వేరు చేస్తూ బారికేడ్లను ఏర్పాటు చేయాలనే నిర్ణయం జరిగిందని మీడియాలో వార్తలు వస్తున్నాయని, రాష్ట్రపతి పాలన సమయంలో గవర్నర్ ఆ నిర్ణయం తీసుకున్నారని కూడా వార్తలు వచ్చాయని రాజభవన్ నుంచి విడుదలైన ప్రకటనలో అన్నారు.

ఆ విధమైన నిర్ణయమేదీ గవర్నర్ తీసుకోలేదని, అలా ఏర్పాటు చేయాలని ఆదేశాలు కూడా జారీ చేయాలని రాజభవన్ ప్రకటన స్పష్టం చేసింది.

English summary

In a press communique, the Rajbhavan has denied the statement and said “No such decision was taken nor any instructions were issued by the Hon’ble Governor during President’s rule.