విజయవాడ, కాకినాడ, రాజమండ్రి, విశాఖపట్నంవారికి ముఖ్య గమనిక

విజయవాడ డివిజన్‌లో భద్రతా నిర్మాణ పరమైన పనులు జరుగుతుండటంతో ఈనెల 21 నుంచి 27 వరకు కొన్ని రైళ్లను రద్దు చేసినట్లు అధికారులు వెల్లడించారు. రాజమండ్రి- విశాఖ (07466), విశాఖ- రాజమండ్రి (07467).. కాకినాడ- విశాఖ (17247), విశాఖ- కాకినాడ (17268) ప్యాసింజర్ రైళ్లను రద్దు చేశారు. ఈనెల 21, 22వ తేదీల్లో ఎర్నాకులం-పాట్నా ఎక్స్‌ప్రెస్‌ (22643).. ఈనెల 23, 24 తేదీల్లో బెంగళూరు-గౌహతి ఎక్స్‌ప్రెస్‌ (12509), 27న కొయంబత్తూర్‌-సిల్చర్‌ ఎక్స్‌ప్రెస్‌(12515) రైళ్లు వయా నిడదోవలు, భీమవరం టౌన్‌, గుడివాడ, విజయవాడ మీదుగా మళ్లించిన మార్గంలో నడవనున్నాయి. ప్రయాణికులు ఈ విషయాన్ని గమనించాలని కోరారు.

కొన్ని రైళ్ల సర్వీసుల రాకపోకల్లో కూడా మార్పులు చేశారు. ఈ నెల 20వ తేదీ వరకు కాకినాడ - విశాఖపట్నం ప్యాసింజర్ స్పెషల్ రద్దు చేశారు. విశాఖపట్నం - కాకినాడ ప్యాసింజర్ ప్రత్యేక రైలు, రాజమండ్రి - విశాఖపట్నం ప్యాసింజర్ స్పెషల్, విశాఖపట్నం - రాజమండ్రి ప్యాసింజర్ ప్రత్యేక రైళ్లు రద్దయ్యాయి.

విశాఖపట్నం - విజయవాడ ఉదయ్ ఎక్స్‌ప్రెస్.. విజయవాడ - విశాఖపట్నం ఉదయ్ ఎక్స్‌ప్రెస్.. గుంటూరు - విశాఖపట్నం సింహాద్రి ఎక్స్‌ప్రెస్‌ కూడా రద్దయ్యాయి. ఈ నెల 21వ తేదీవరకు విశాఖపట్నం - గుంటూరు సింహాద్రి ఎక్స్‌ప్రెస్ రద్దైంది. ఈ నెల 20వ తేదీన కోయంబత్తూర్ - సిల్చార్ ఎక్స్‌ప్రెస్ రైలును దారి మళ్లించారు. ప్రయాణికులు గమనించి రైల్వేతో సహకరించాలని కోరారు. ఈ తేదీల్లో మినహా మిగతా రైళ్లన్నీ యథావిధిగానే తిరుగుతాయని తెలిపారు.

English summary

Officials have revealed that some trains have been canceled from 21st to 27th of this month due to safety construction works in Vijayawada division.