ఫార్మా కంపెనీలో పేలిన రియాక్టర్లు.. 8 మందికి తీవ్రగాయాలు

అమరావతి: విశాఖ జిల్లా పరవాడలోని ఫార్మా కంపెనీలో శనివారం అగ్నిప్రమాదం సంభవించింది. రెండు రియాక్టర్లు పేలిపోవడంతో ఒక్కసారిగా ఉవ్వెత్తున మంటలు ఎగసిపడ్డాయి. ఈ ప్రమాదంలో 8 మంది కార్మికులకు తీవ్ర గాయాలు అయ్యాయి.

క్షతగాత్రులను చికిత్స నిమిత్తం వెంటనే సమీపంలోని ప్రైవేటు ఆసుపత్రికి తరలించారు. అయితే వారిలో ఒకరి పరిస్థితి విషమంగా ఉన్నట్లు తెలుస్తోంది. మరోవైపు ఈ ప్రమాదంపై కార్మికుల నుంచి తీవ్ర ఆందోళన వ్యక్తమవుతోంది.

ఫార్మా కంపెనీల్లో తరచూ ప్రమాదాలు చోటుచేసుకుంటున్నా సరైన భద్రతా ప్రమాణాలు పాటించడం లేదని కార్మికులు ఆందోళన వ్యక్తం చేస్తున్నారు. ఈ ప్రమాదానికి సంబంధించి మరింత సమాచారం అందాల్సి ఉంది.

English summary

8 workers seriously injured in 2 reactors blast in a pharma company located at parawada area of Visakhapatnam District. Workers who are injured were shifted to neary by private hospital for treatment. Workers are allegedly telling that the fire accidents occuring frequently in pharma companies due to the lack of security, precautionary measures.