డీలిమిటేషన్ బిల్లు ఇలా నెగ్గించుకోండి-అమిత్ షాకు సాయిరెడ్డి 3 ఐడియాలు..!

దేశవ్యాప్తంగా లోక్ సభ సీట్ల పెంపుతో పాటు నియోజకవర్గాల పునర్విభజన చేసేందుకు వీలుగా కేంద్రం ఈ మధ్యే మహిళా బిల్లును తీసుకొచ్చింది. అయితే దీన్ని లోక్ సభలో మూడింటి రెండొంతుల మెజార్టీ లేకపోవడంతో నెగ్గించుకలేకపోయింది. ఈ నేపథ్యంలో విపక్షాలపై ఎన్డీయే పార్టీలు ఇప్పటికే విమర్శలు గుప్పిస్తున్నాయి. అయితే కేంద్రం వద్ద ఈ బిల్లుల్ని ఇప్పట్లో నెగ్గించుకునే మార్గం కనిపించడం లేదు. అయినా త్వరలోనే మరోసారి ఈ బిల్లులు తెస్తామని కేంద్రం చెబుతోంది.

ఈ తరుణంలో డీలిమిటేషన్ బిల్లు ఎలా నెగ్గించుకోవాలో కేంద్ర హోంమంత్రి అమిత్ షాకు సూచిస్తూ వైసీపీ మాజీ ఎంపీ విజయసాయిరెడ్డి (Vijayasai Reddy) ఇవాళ ఓ ట్వీట్ చేశారు. ఇందులో ఆయన తాను చెప్పిన మూడు సూత్రాలు అమలు చేస్తే ఈ బిల్లులు నెగ్గించుకోవడం కష్టమేమీ కాదని, వాటిని వ్యతిరేకించే ధైర్యం కూడా ఎవరికీ ఉండదని తేల్చిచెప్పేశారు. ఈ మేరకు హోం మంత్రి @అమిత్ షా కీలకమైన రక్షణలతో రాజ్యాంగ సవరణను తిరిగి ప్రవేశపెట్టాలని కోరారు.

డీలిమిటేషన్ బిల్లు నెగ్గేందుకు విజయసాయిరెడ్డి చెప్పిన మూడు సూత్రాల్లో బిల్లులో రాష్ట్రాల వారీగా సీట్లలో 50% పెరుగుదలను చూపే ఒక లిఖితపూర్వక షెడ్యూల్ ఉాండాలన్నారు. అలాగే మహిళలకు 33% రిజర్వేషన్‌తో రాజ్యసభ సీట్లను 50% విస్తరించడం, దీంతో పాటు 1971 నాటి ప్రామాణికం ప్రకారం దక్షిణ భారతదేశ లోక్‌సభ వాటాను కొనసాగించడం చేయాలని సూచించారు. ఈ మూడు పాయింట్లను అమలు చేయగలిగితే డీలిమేషన్ బిల్లు నెగ్గడం అసాధ్యం కాదని విజయసాయిరెడ్డి అమిత్ షాకు సూచించారు. వీటిపై అమిత్ షా ఎలా స్పందిస్తారో చూడాలి మరి.