Gold Price Today : ట్రంప్ టెన్షన్.. బంగారం, వెండి ధరలు పైపైకి!

దేశీయ ఫ్యూచర్స్ మార్కెట్‌లో బంగారం ధరలు వరుసగా దూసుకుపోతున్నాయి. అమెరికా అధ్యక్షుడు డోనాల్డ్ ట్రంప్ యొక్క దిగుమతి సుంకల హెచ్చరికల నేపథ్యంలో ఈ పెరుగుదల కనిపించింది. మల్టీ కమోడిటీ ఎక్స్ఛేంజ్ (MCX)లో జూన్ 5 నాటి బంగారం ఫ్యూచర్స్ కాంట్రాక్ట్ ఈరోజు ఉదయం 10 గ్రాములకు రూ. 91,229 వద్ద ప్రారంభమైంది. ఇది మునుపటి ముగింపు ధర రూ. 90,875 కంటే రూ. 354 అధికం. ఈ వార్త రాసే సమయానికి, ఈ కాంట్రాక్ట్ రూ. 141 లేదా 0.16 శాతం పెరిగి రూ. 91,016 వద్ద ట్రేడవుతోంది. ఈ మధ్యలో, ఇది గరిష్టంగా రూ. 91,232 మరియు కనిష్టంగా రూ. 91,000 స్థాయిలను తాకింది.

బంగారం బాటలోనే వెండి కూడా లాభాలను నమోదు చేసింది. మే 5, 2025న మెచ్యూర్ అయ్యే సిల్వర్ ఫ్యూచర్స్ MCXలో కిలోకు రూ. 99,666 వద్ద ప్రారంభమైంది. ఇది మునుపటి ముగింపు ధర రూ. 99,461 కంటే రూ. 205 ఎక్కువ. ఈ నివేదిక రాసే సమయానికి, వెండి ధర రూ. 408 లేదా 0.41 శాతం పెరిగి రూ. 99,869 వద్ద ట్రేడవుతోంది.

అంతర్జాతీయ మార్కెట్‌లో కూడా ఇదే పరిస్థితి నెలకొంది. COMEX బంగారం ధర ఒక ట్రాయ్ ఔన్స్‌కు దాదాపు $3,153.2 వద్ద ఉంది. ఉదయం 10:15 గంటల సమయానికి స్పాట్ బంగారం ధర ఔన్స్‌కు $3,119.82 వద్ద కొనసాగుతోంది.

ఈ రోజు బంగారం ధరలు ఇలా..
దేశ రాజధాని ఢిల్లీలో 24 క్యారెట్ల బంగారం ధర 10 గ్రాములకు రూ. 92,990గా ఉంది. అదే సమయంలో, 22 క్యారెట్ల బంగారం ధర 10 గ్రాములకు రూ. 85,250గా నమోదైంది. తెలుగు రాష్ట్రాలలో ప్రధాన నగరాలైన హైదరాబాద్‌, విజయవాడలో 24 క్యారెట్ల బంగారం 10 గ్రాములకు రూ. 92,840 వద్ద లభిస్తుండగా, 22 క్యారెట్ల బంగారం ధర 10 గ్రాములకు రూ. 85,100గా ఉంది. చెన్నైలో 24 క్యారెట్ల బంగారం 10 గ్రాములకు రూ. 92,840 వద్ద అందుబాటులో ఉంది. ఇక 22 క్యారెట్ల బంగారం ధర 10 గ్రాములకు రూ. 85,100గా ఉంది. కోల్‌కతాలో ఈరోజు 24 క్యారెట్ల బంగారం ధర 10 గ్రాములకు రూ. 92,840గా ఉంది. 22 క్యారెట్ల బంగారం ధర మాత్రం రూ. 85,100గా కొనసాగుతోంది. ముంబైలో 24 క్యారెట్ల బంగారం 10 గ్రాములకు రూ. 92,840 వద్ద లభిస్తుండగా, 22 క్యారెట్ల బంగారం ధర 10 గ్రాములకు రూ. 85,100గా ఉంది.

వెండి ధరలు ఇలా..
వెండి ధరలు విషయానికి వస్తే దేశ రాజధాని ఢిల్లీలో కిలో వెండి ధర రూ. 1,05,000గా ఉంది. ముంబైలో కిలో వెండి కొనాలంటే వినియోగదారులు ఈరోజు రూ. 1,05,000 చెల్లించాల్సి ఉంటుంది. కోల్‌కతాలో కిలో వెండి ధర రూ. 1,05,000 వద్ద స్థిరంగా ఉంది. చెన్నైలో కిలో వెండి ధర రూ. 1,14,000గా నమోదైంది. హైదరాబాద్‌లో కిలో వెండి ధర రూ. 1,14,000 వద్ద కొనసాగుతోంది.

English summary

Decoding the Gold Surge: Trump's Trade Policy in Focus