బంగారం ధరలు అనూహ్యంగా తలకిందులు- గట్టిగా దెబ్బకొట్టిన సౌదీ అరేబియా పరిణామాలు

Published: Monday, October 12, 2026, 10:06 [IST]

సౌదీ అరేబియాలోని పౌర విమానాశ్రయాలే లక్ష్యంగా యెమెన్‌కు చెందిన హౌతీ తిరుగుబాటుదారులు తమ దాడులను తీవ్రతరం చేశారు. రాజధాని రియాద్‌లోని కింగ్ ఖలీద్ అంతర్జాతీయ విమానాశ్రయంపై వరుస క్షిపణి దాడులు జరిగిన మరుసటి రోజే, ఆ దేశ తూర్పు ప్రావిన్స్‌లోని దమ్మామ్‌లో ఉన్న కింగ్ ఫహద్ ఇంటర్నేషనల్ ఎయిర్ పోర్ట్ ను హౌతీలు లక్ష్యంగా చేసుకున్నారు. మిస్సైళ్లను సంధించారు. డ్రోన్లతో దాడులకు తెగబడ్డారు.

ఈ పరిణామాలు.. భారత్ లో బంగారం, వెండి ధరలపై పడింది. నేడు అవి తగ్గుముఖం పట్టాయి. దేశీయ మల్టీ కమోడిటీ ఎక్స్చేంజ్ లో పసిడి రేట్లు దిగొచ్చాయి. పండుగల సీజన్ సమీపిస్తున్న తరుణంలో కొనుగోలుదారులకు ఈ ధరల క్షీణత కొంతవరకు ఊరటనిచ్చే పరిణామంగా మారింది. మరోవంక ముడిచమురు ధరలు పెరగడం, రూపాయితో పోల్చుకుంటే డాలర్ మరింత బలపడటం వంటి పరిణామాలు పసిడి, వెండి రేట్లపై ప్రభావం చూపాయి.

MCX Gold and Silver rates was trading lower after Saudi Arabia under attack by Houthis raising tensions

ఎంసీఎక్స్‌లో 10 గ్రాముల బంగారం ధర 0.41 శాతం మేర తగ్గింది. 10 గ్రాముల 24 క్యారెట్ల బంగారం ధర 1,51,100 రూపాయల వద్ద ట్రేడ్ అయింది. కేజీ వెండి ఫ్యూచర్స్ ధర కూడా 0.16 శాతం మేర క్షీణించి రూ. 2,25,770 స్థాయి వద్ద కొనసాగింది. శుక్రవారం నాటి క్లోజింగ్ సెషన్ తో పోల్చుకుంటే 24 క్యారెట్ల 10 గ్రాముల బంగారం ధరలో 440 రూపాయల మేర క్షీణత కనిపించింది. 22 క్యారెట్లు- రూ. 400, 18 క్యారెట్లు రూ. 330 మేర తగ్గాయి.

Also Read

సౌదీ అరేబియా ఇక ఎంతమాత్రం సురక్షితం కాదు- హౌతీల వార్నింగ్: భారత్ అడ్వైజరీ జారీ

హైదరాబాద్ లో 24 క్యారెట్ల 10 గ్రాముల బంగారం రూ. 1,51,060 పలికింది. 22 క్యారెట్లు రూ. 1,38,472 వద్ద నిలవగా, వెండి కిలో రూ. 2,25,720 వద్ద ట్రేడ్ అయింది. ముంబైలో 24 క్యారెట్ల 10 గ్రాముల బంగారం రూ. 1,50,820 పలికింది. 22 క్యారెట్లు రూ. 1,38,252 వద్ద నిలవగా, వెండి కిలో రూ. 2,25,540 వద్ద ట్రేడ్ అయింది. బెంగళూరులో 24 క్యారెట్ల 10 గ్రాముల బంగారం రూ. 1,50,940 పలికింది. 22 క్యారెట్లు రూ. 1,38,362 వద్ద నిలవగా, వెండి కిలో రూ. 2,25,540 వద్ద ట్రేడ్ అయింది. చెన్నైలో ఇవే రేట్లు వరుసగా రూ. 1,51,400, రూ. 1,38,783, రూ. 2,26,270 వద్ద నమోదయ్యాయి.