NITI Aayog: మోదీ టీమ్లోకి సూపర్ పవర్స్..
దేశ ఆర్థిక ముఖచిత్రాన్ని మార్చే కీలక బాధ్యతలను అనుభవజ్ఞులైన ఆర్థికవేత్త డాక్టర్ అశోక్ లాహిరి చేపట్టారు. నీతి ఆయోగ్ నూతన ఉపాధ్యక్షుడిగా బాధ్యతలు స్వీకరించిన అనంతరం ఆయన ప్రధానమంత్రి నరేంద్ర మోడీతో సమావేశమయ్యారు. సంక్లిష్టమైన అంతర్జాతీయ ఆర్థిక పరిస్థితుల్లో భారతదేశాన్ని 'వికసిత భారత్' దిశగా నడిపించేందుకు ఈ భేటీ అత్యంత ప్రాధాన్యత సంతరించుకుంది.
నీతి ఆయోగ్ కొత్త బృందంలో పశ్చిమ బెంగాల్కు చెందిన ఇద్దరు అసాధారణ మేధావులకు చోటు లభించడం విశేషం. ఉపాధ్యక్షుడిగా డాక్టర్ అశోక్ లాహిరి, సభ్యుడిగా ప్రముఖ శాస్త్రవేత్త డాక్టర్ గోవర్ధన్ దాస్ బాధ్యతలు చేపట్టారు. బెంగాల్ గొప్ప విద్యా వారసత్వం, మేధోశక్తి మరోసారి దేశ విధాన రూపకల్పనలో కీలక భూమిక పోషించబోతున్నాయని ఈ నియామకాలు స్పష్టం చేస్తున్నాయి.
రామభక్తుడు.. ఆర్థిక దిగ్గజం: అశోక్ లాహిరి ప్రస్థానం
అశోక్ లాహిరి నియామకాన్ని సమాచార, ప్రసార మంత్రిత్వ శాఖ సలహాదారు దిలీప్ మండల్ అభినందిస్తూ.. లాహిరిని "కరుడుగట్టిగా బెంగాలీ"గా అభివర్ణించారు. రామ పూజ వంటి మతపరమైన కార్యక్రమాలకు స్వయంగా కిచిడీ ప్రసాదాన్ని సిద్ధం చేసే సంప్రదాయవాది అయిన లాహిరి, నాలుగు దశాబ్దాలకు పైగా ఆర్థిక రంగంలో అపార అనుభవం గల మేధావి. ప్రధాన ఆర్థిక సలహాదారుగా, ఆసియా డెవలప్మెంట్ బ్యాంక్, ప్రపంచ బ్యాంక్, IMF వంటి ప్రతిష్టాత్మక సంస్థల్లో పని చేసిన ఆయన, దేశ ఆర్థిక సంస్కరణలను ముందుకు తీసుకెళ్లడంలో కీలక పాత్ర పోషించనున్నారు.
Met Shri Ashok Kumar Lahiri Ji and conveyed my best wishes on his being appointed as the Vice Chairman of NITI Aayog. His rich experience in economics and public policy will greatly strengthen India’s reform journey and the journey towards becoming a Viksit Bharat. I am confident… pic.twitter.com/NQvAGNsgoN
— Narendra Modi (@narendramodi) April 25, 2026
వీధి దీపాల కింద చదువు నుంచి.. నీతి ఆయోగ్ వరకు:
నీతి ఆయోగ్ సభ్యుడిగా నియమితులైన డాక్టర్ గోవర్ధన్ దాస్ జీవితం ఒక అద్భుత స్ఫూర్తిగా నిలుస్తుంది. బంగ్లాదేశ్ నుంచి శరణార్థులుగా వచ్చిన ఒక నిరుపేద దళిత రైతు కుటుంబంలో జన్మించిన ఆయన, అల్లర్ల వల్ల తన కుటుంబ సభ్యులను కోల్పోయి, వీధి దీపాల కింద చదువుకొని నేడు అంతర్జాతీయ స్థాయి శాస్త్రవేత్తగా ఎదిగారు.
మాలిక్యులర్ సైన్స్, ఇమ్యునాలజీ, క్షయ వ్యాధిపై ఆయన చేసిన పరిశోధనలు ప్రపంచవ్యాప్త గుర్తింపు పొందాయి. అమెరికాలోని యేల్ యూనివర్సిటీ వంటి చోట్ల అత్యాధునిక పరిశోధనలకు నాయకత్వం వహించిన దాస్, మాతృభూమికి సేవ చేసేందుకు తిరిగి వచ్చి నీతి ఆయోగ్ సభ్యుడిగా బాధ్యతలు చేపట్టడం దేశానికే గర్వకారణం.
సహకార సమాఖ్యవాదానికి సరికొత్త బలం..
భారత ప్రభుత్వ అత్యున్నత విధాన రూపకల్పనా సంస్థ (థింక్ ట్యాంక్) అయిన నీతి ఆయోగ్, రాష్ట్రాల భాగస్వామ్యంతో అభివృద్ధిని సాధించే 'బాటమ్-అప్' విధానాన్ని అనుసరిస్తుంది. అశోక్ లాహిరి ఆర్థిక నైపుణ్యం, గోవర్ధన్ దాస్ శాస్త్రీయ దృక్పథం తోడవ్వడంతో దేశ ప్రగతి పథంలో సరికొత్త సంస్కరణలు వచ్చే అవకాశం ఉంది. ప్రధాని మోడీ 'వికసిత భారత్ 2047' లక్ష్యాన్ని చేరుకోవడంలో ఈ కొత్త బృందం కీలక దిశానిర్దేశం చేయనుంది.
Click it and Unblock the Notifications
Sign in with Google