ట్రంప్ కామెంట్స్ పై ఆర్బీఐ గవర్నర్ షాకింగ్ రియాక్షన్..!

భారత్‌పై సుంకాల పెంపు విషయంలో అమెరికా అధ్యక్షుడు డొనాల్డ్‌ ట్రంప్‌ చేసిన వ్యాఖ్యలు హాట్ టాపిక్ గా మారాయి. 24 గంటల్లో భారత్‌పై సుంకాలను గణనీయంగా పెంచుతామని చెప్పడం చర్చనీయాంశం అవుతోంది. ఈ నేపథ్యంలో భారతీయ రిజర్వ్ బ్యాంక్ (ఆర్‌బీఐ) తన మూడవ ద్వైమాసిక ద్రవ్య విధాన సమీక్షను నిర్వహించింది. రెపో రేటును 5.5% వద్ద స్థిరంగా ఉంచాలని నిర్ణయం తీసుకుంది. దీంతో దేశీయ వృద్ధి కొనసాగుతుందని, కానీ అంతర్జాతీయ వాణిజ్య ముప్పులు కొనసాగుతాయని స్పష్టం చేసింది.

ట్రంప్ సుంకాలపై ఆర్‌బీఐ గవర్నర్ కామెంట్స్..

ఆర్‌బీఐ గవర్నర్ సంజయ్ మల్హోత్రా మాట్లాడుతూ.. "వాణిజ్య చర్చలు కొనసాగుతున్నాయి. మేము అనుసంధానంతో పనిచేస్తున్నాం. ప్రతీకార చర్యల అవసరం లేకుండా పరిష్కారం దొరకాలని ఆశిస్తున్నాం" అని తెలిపారు. ఈ పరిణామాలు భారతదేశ వృద్ధిని ప్రభావితం చేస్తాయని అన్నారు. భారత ఆర్థిక వ్యవస్థ బలంగా ఉన్నప్పటికీ, సుంకాల వంటి ప్రపంచ వాణిజ్య సమస్యలు సవాళ్లను తీసుకురావచ్చన్నారు.

IMF, RBI, USA: వృద్ధి అంచనాల తేడా..

అంతే కాకుండా భారత్ 6.4% వృద్ధితో ప్రపంచ వృద్ధికి 18% తోడ్పడుతుందని, ఇది అమెరికా (11%) కంటే ఎక్కువగా ఉందని అన్నారు. ఇది ట్రంప్ వ్యాఖ్యలపై పరోక్షంగా గవర్నర్ మల్హోత్రా స్పందించినట్లు భావించవచ్చు.

ద్రవ్య విధాన ముఖ్యాంశాలు..

• రెపో రేటు: 5.5% వద్ద స్థిరంగా ఉంచారు

• జీడీపీ వృద్ధి అంచనా: 2025-26కి 6.5%

• సీపీఐ ద్రవ్యోల్బణ అంచనా: 3.7% నుంచి 3.1%కి తగ్గింపు

• కరెంట్ ఖాతా లోటు (CAD): స్థిరంగా ఉండే అవకాశం

• తదుపరి ఎంపీసీ సమావేశం: సెప్టెంబర్ 29 - అక్టోబర్ 1, 2025

  మార్కెట్ ప్రభావం..

  ఆర్‌బీఐ నిర్ణయం తర్వాత బ్యాంకింగ్, ఆటో, రియల్ ఎస్టేట్ రంగాలు భారీ నష్టాలను చవిచూశాయి:

  • బోష్: -4.85%

  • ప్రెస్టేజ్ ఎస్టేట్స్: -2.68%

  • ఇండస్‌ఇండ్ బ్యాంక్: -2.58%

    ఈ రంగాలు తక్కువ వడ్డీ రేటులపై ఆధారపడే వాణిజ్య కార్యకలాపాలు నడుపుతుండటంతో, రేటు మార్పు లేకపోవడం ప్రతికూలంగా ప్రభావం చూపింది.

English summary

The Reserve Bank of India has decided to keep the repo rate at 5.5% while projecting a GDP growth of 6.5% for FY 2026. Economic conditions, including inflation forecasts, remain stable.