లేట్‌గా కట్ చేసినా..లేటెస్ట్‌గా: హీరోయిన్, మూవీ టీమ్: ఫ్లయిట్‌లోనే రజినీకాంత్ బర్త్‌డే

హైదరాబాద్: దక్షిణాది సూపర్ స్టార్ రజినీకాంత్ రూటే సపరేటు. ఆయన లేట్‌గా చేసినా అది లేటెస్ట్‌గానే ఉంటుంది. మొన్నటికి మొన్నే రాజకీయాల్లోకి ఎంట్రీ ఇవ్వబోతోన్నట్లు అధికారికంగా ప్రకటించిన ఆయన.. చేతిలో ఉన్న సినిమాలన్నింటినీ శరవేగంగా పూర్తి చేసే పనిలో పడ్డారు. వచ్చే ఏడాది తమిళనాడు అసెంబ్లీకి ఎన్నికలు జరుగనున్న ప్రస్తుత పరిస్థితుల్లో వీలైనంత త్వరగా సినిమాలను పూర్తి చేసుకుని.. పాలిటిక్స్ మీద ఫోకస్ చేయాలనేది రజినీకాంత్ ప్లాన్. అందుకే- షూటింగ్‌లను కొనసాగించడానికి ఏ మాత్రం బ్రేక్ ఇవ్వట్లేదు.

ప్రస్తుతం ఆయన చేతిలో ఉన్న మూవీ.. అన్నాత్తే. లేడీ సూపర్ స్టార్ నయనతార ఇందులో హీరోయిన్. ఈ సినిమా షూటింగ్‌ను హైదరాబాద్ శివార్లలోని ఫిల్మ్‌సిటీలో ప్లాన్ చేశారు. దీనికోసం రజినీకాంత్ ఆదివారం సాయంత్రం హైదరాబాద్‌కు చేరుకున్నారు. చెన్నై నుంచి స్పెషల్ ఎయిర్‌క్రాఫ్ట్‌లో బయలుదేరారు. తన కుమార్తె ఐశ్వర్య, హీరోయిన్ నయనతార, మూవీ యూనిట్‌తో కలిసి ఆయన జర్నీ చేశారు. అంతకుముందు రోజే రజినీకాంత్ బర్త్‌డే. 24 గంటల తరువాతే అయినప్పటికీ.. మిడ్ ఎయిర్‌లో పుట్టినరోజు వేడుకలను జరుపుకొన్నారు.

ఎయిర్‌‌క్రాఫ్ట్ పైలెట్, మూవీ యూనిట్ సమక్షంలో ఆయన కేక్ కట్ చేశారు. ఐశ్వర్య, నయనతార, చిత్ర యూనిట్ సభ్యులు, ఫ్లయిట్ సిబ్బంది మధ్య ఆయన ఆనందోత్సాహాలతో పుట్టినరోజు వేడుకలను జరుపుకొన్నారు. దీనికి సంబంధించిన వీడియో ఒకటి సోషల్ మీడియాలో వైరల్‌గా మారింది. ట్విట్టర్‌లో పోస్ట్ చేసిన కొద్దిసేపటికే ఈ వీడియోను వేలాదిమంది తిలకించారు. సుమారు తొమ్మిదినెలల తరువాత రజినీకాంత్ షూటింగ్ సెట్‌లో అడుగు పెట్టారు. సన్ పిక్చర్స్ ప్రొడక్షన్ ఈ మూవీని నిర్మిస్తోంది. గ్రామీణ నేపథ్యంలో రూపుదిద్దుకుంటోన్న ఈ సినిమాలో కీర్తి సురేష్, మీనా, ఖుష్బూ, ప్రకాశ్ రాజ్, సూరి నటిస్తున్నారు. శివ దర్శకుడు.

English summary

Rajinikanth accompanied by his daughter Aishwarya, boarded the chartered flight from Chennai. Along with Nayanthara and team reached Hyderabad ahead of Annaatthe shooting. Before taking off, the flight staff surprised Rajinikanth with a birthday cake.