నిమ్స్ ఆసుపత్రికి వరుస సెలవులు.. 3 రోజులు నిలిచిపోనున్న OP సేవలు

హైదరాబాద్ : ప్రతినిత్యం వేలాదిగా తరలివచ్చే నిమ్స్ ఆసుపత్రికి వరుస సెలవులు రావడం.. పేద, మధ్య తరగతి ప్రజలను కలవరపెడుతోంది. ఎలాంటి జబ్బులకైనా వైద్యం తీసుకునేందుకు రాష్ట్రవ్యాప్తంగా పెద్ద సంఖ్యలో నిమ్స్ హాస్పిటల్ కు రోగులు వస్తుంటారు. అలాంటిది వరుసగా 3 రోజులు ఓపీ సేవలు నిలిచిపోవడం ఆందోళన రేకెత్తిస్తోంది.

ఈ నెల 7వ తేదీ ఆదివారం కావడంతో నిమ్స్ లో ఓపీ సేవలు ఉండవు. అయితే 5, 6 తేదీలను సెలవులుగా ప్రకటించడంతో వరుసగా మూడు రోజులు సెలవులు వచ్చినట్లైంది. 5 నాడు బాబు జగ్జీవన్‌రామ్‌ జయంతి, 6న ఉగాది పండుగ వస్తుండటంతో హాలిడేస్ గా ప్రకటించారు అధికారులు. ఆ క్రమంలో వరుసగా మూడు రోజులు ఓపీ సేవలు ఉండవని తెలిపారు. సోమవారం నుంచి మళ్లీ యథావిధిగా సేవలందిస్తామని తెలిపారు నిమ్స్ అసిస్టెంట్ సూపరింటెండెంట్ డాక్టర్ లక్ష్మిభాస్కర్.

English summary

Three Days continuos holidays for nims hospital and no OP services available. 7th of this month sunday, that is holiday for hospital. Babu jagjeevan ram birth anniversary falls on 5th and 6th is Ugadi festival, these two days also declared as holidays.