భారీగా పెరిగిన కేసులు.. 600 పైచిలుకు మందికి పాజిటివ్

ఫోర్త్ వేవ్‌లో కరోనా అంత సీరియస్ ఏం అవడం లేదు. జనరల్ వైరస్‌లా మారింది. అయితే కేసులు మాత్రం పెరుగుతున్నాయి. గత 24 గంటల్లో తెలంగాణలో 30,552 కరోనా పరీక్షలు నిర్వహించారు. వారిలో 658 మందికి పాజిటివ్ వచ్చింది. హైదరాబాద్‌లో అత్యధికంగా 316 కొత్త కేసులు వచ్చాయి. రంగారెడ్డి జిల్లాలో 52, మేడ్చల్ మల్కాజిగిరి జిల్లాలో 41, ఖమ్మం జిల్లాలో 30, పెద్దపల్లి జిల్లాలో 25, నల్గొండ జిల్లాలో 21 కేసులు వెల్లడయ్యాయి.

628 మంది కరోనా నుంచి పూర్తిగా కోలుకున్నారు. కొత్తగా మరణాలేవీ నమోదుకాలేదు. తెలంగాణ రాష్ట్రంలో ఇప్పటివరకు కరోనాతో 4,111 మంది మృతి చెందారు. రాష్ట్రంలో ఇప్పటివరకు 8,10,976 పాజిటివ్ కేసులు నమోదు కాగా... 8,02,354 మంది కోలుకున్నారు. ఇంకా 4,511 మంది చికిత్స పొందుతున్నారు.

కరోనా వైరస్, మంకీ వైరస్.. కాగా ఇప్పుడు కొత్త వైరస్ కలవర పెడుతుంది. మార్బర్గ్ అనే వైరస్ ఆఫ్రికా ఘనా దేశంలో వెలుగుచూసింది. ఆ వైరస్ సోకి ఇప్పటికే ఇద్దరు చనిపోయారు. దీంతో ప్రపంచ ఆరోగ్య సంస్థ అన్నీ దేశాలను అలర్ట్ చేసింది. ఇప్పుడు అంతా సజావుగా ఉంది అనుకునే లోపు కొత్త వైరస్.. వేరియంట్లు వస్తున్నాయి. జనాలను ఎప్పుడూ ఏదో ఒక భయం పెడుతూనే ఉన్నాయి.

English summary

658 people are infected coronavirus at telangana state. no deaths are found.