పాదచారులకు చుక్కలు.. వాహనదారులకు తిప్పలు.. హైదరాబాద్‌లో వ్యక్తి హల్‌చల్

హైదరాబాద్ : భాగ్యనగరం నడిరోడ్లపై అడుగుదీసి అడుగు వేయాలంటే భయం. వీపరీతమైన రద్దీ చికాకు తెప్పిస్తుంటుంది. కాంక్రీట్ జంగిల్‌లా మారిన హైదరాబాద్ లో రోడ్డు దాటడం మహా కష్టం. కానీ ఎర్రగడ్డ ప్రాంతంలో ఓ వ్యక్తి హల్‌చల్ చేశాడు. వాహనాలు స్పీడుగా వెళుతున్నా కూడా వాటి మధ్యలోకి వెళ్లడం.. మళ్లీ వెనక్కి రావడం.. అలా నానా హంగామా చేశాడు. అతడు చేసిందంతా ఫీట్లు అనుకుంటున్నారా?.. ముమ్మాటికీ కానే కాదు.

సదరు వ్యక్తి హల్‌చల్ చేయడంతో.. ఆ దారిలో వెళుతున్న వాహనదారులు సడెన్ బ్రేక్ కొట్టాల్సిన పరిస్థితి ఏర్పడింది. రోడ్డు మధ్యలో నిలబడతాడు.. వెంటనే వెనక్కి తిరుగుతాడు. అలా చాలాసేపు వాహనదారులకు తిప్పలు పెట్టాడు. ఇక నడుచుకుంటూ వెళ్లేవారికైతే చుక్కలు చూపించాడు. వారిని వెంబడిస్తూ భయాందోళనకు గురిచేశాడు. చేతిలో కర్ర ఉండటంతో అది చూపిస్తూ నానా యాగీ చేశాడు.

ఆ వ్యక్తి వీరంగంతో చాలామంది ఇబ్బందులు పడ్డారు. సమయానికి ఆ ఏరియాలో ట్రాఫిక్ పోలీసులు లేకపోవడంతో చెలరేగిపోయాడు. మొదటగా అక్కడ ఏం జరుగుతుందో తెలియని పరిస్థితి నెలకొంది. చివరకు ఆయనకు మతిస్థిమితం లేదని తేలింది. ఎర్రగడ్డ మెంటల్ ఆసుపత్రి నుంచి పారిపోయి ఉండొచ్చని అక్కడ ఉండే చిరువ్యాపారులు అనుమానిస్తున్నారు. మొత్తానికి అతడు చేసిన హంగామాతో చాలాసేపు టెన్షన్ వాతావరణం నెలకొంది.

English summary

Mentally Disabled Person Hulchul At Erragadda in Hyderabad. He Disturbed pedesterians and vehicle riders. Tension Situation created for some time.