అమీర్ పేటలో హైటెక్ వ్యభిచార ముఠా గుట్టు రట్టు .. విదేశీ వనితలతో వ్యభిచారం

భాగ్యనగరి కేంద్రంగా హైటెక్ వ్యభిచార ముఠా గుట్టు రట్టయింది. బ్యూటీపార్లర్లు, స్పా ల లోనే కాదు హోటళ్ళు, లాడ్జీలలో కూడా వ్యభిచార దందా యథేచ్ఛగా సాగుతోంది. తాజాగా అమీర్ పేట ప్రాంతంలోని స్టార్ హోటళ్లలో విదేశీ యువతులతో వ్యభిచారం నిర్వహిస్తున్న హైటెక్ వ్యభిచార ముఠా గుట్టు రట్టు చేశారు పోలీసులు .

అమీర్ పేట కేంద్రంగా హైటెక్ వ్యభిచారం.. 11 మంది అరెస్ట్

హైదరాబాద్ లోని అమీర్ పేట ప్రాంతంలోని స్టార్ హోటళ్లలో వ్యభిచారం జరుగుతోందన్న సమాచారాన్ని అందుకున్న పోలీసులు, దాడులు చేసి 11 మందిని అరెస్ట్ చేశారు. వీరిలో నలుగురు విదేశీ యువతులు ఉన్నారు . వారిని అదుపులోకి తీసుకున్న పోలీసులు విదేశీ యువతులు నలుగురు ఉజ్బెగిస్థాన్‌కు చెందిన వారని తెలిపారు.

విదేశీ వనితలతో వ్యభిచారం నిర్వహిస్తున్న ముఠా

ఆదిత్య పార్క్ హోటల్ లో హైటెక్ వ్యభిచార దందా జరుగుతోందన్న సమాచారం మేరకు రైడ్ చేసిన పోలీసులు ఈ సెక్స్ రాకెట్ ను పట్టుకున్నారు . ఎస్సార్ నగర్ పోలీసులు చేసిన ఈ దాడుల్లో హోటల్ ను నిర్వహిస్తున్న ఇద్దరు యువతులు పట్టుబడ్డారు. ఇదే సమయంలో పంజాగుట్టలోని పోలో లాడ్జిపైనా ఇదే తరహా ఆరోపణలు వచ్చాయి. ఇక్కడ ఉజ్బెకిస్థాన్ కు చెందిన నలుగురు యువతులు, బెంగాల్ కు చెందిన యువతి, నలుగురు విటులు పట్టుబడ్డారు.

సెక్స్ రాకెట్ నిర్వాహకుల పరారీ ... పోలీసుల గాలింపు

పోలీసులు వస్తున్నారన్న సమాచారంతో కొందరు నిర్వాహకులు పారిపోయారని పోలీసులు తెలిపారు. ఈ సెక్స్ రాకెట్ ను రాహుల్, సూర్య అనే ఇద్దరు వ్యక్తులు ఈ దందా నిర్వహిస్తున్నారని, వారి కోసం గాలిస్తున్నామని అన్నారు.ఈ సెక్స్ రాకెట్ వెనుక ఎంతటి వారున్నా వదిలిపెట్టేది లేదని పంజాగుట్ట ఏసీపీ తిరుపతన్న వెల్లడించారు.

English summary

The SR Nagar police had busted a prostitution racket in Ameerpet recently. On a tip-off from a credible source, the police had raided a hotel in Ameerpet. They have taken into custody seven foreigner girls and 5 brokers. A case has been registered and investigations are underway.