Viral Video: బొమ్మను చూసి తల్లి అనుకుంది.. అమ్మ కోసం పరుగెత్తింది.. కన్నీరు పెట్టిస్తున్న వీడియో..
ప్రపంచంలో కల్మషం లేని ప్రేమ ఏదంటే.. అమ్మ ప్రేమని చెబుతారు. ఎందుకంటే.. పిల్లలే తన జీవితంగా బతుకుతుంది అమ్మ.. అమ్మ ప్రేమ అనేది మనుషుల్లోనే కాదు జంతువుల్లోనూ ఉంటుంది. బిడ్డపై అమ్మకు ఎంత ప్రేమ ఉంటుందో.. అమ్మపై బిడ్డకు కూడా అంతే ఇష్టం ఉంటుంది. తాజాగా ఓ గుర్రానికి సంబంధించిన వీడియో సోషల్ మీడియాలో వైరల్ అవుతోంది.
10కి పైగా గుర్రాలు..
ఈ వీడియోలో రోడ్డుపై ఓ బస్సు వెళ్తోంది. ఈ బస్సుపై గుర్రం బొమ్మ వేశారు. అయితే ఆ గుర్రం బొమ్మ తన తల్లి భావించిన గుర్రం బస్సు వెంట పరుగెత్తింది. ఇందుకు సంబంధఇంచిన దృశ్యాలు చూపరులను కట్టతడి పెట్టించాయి. కోయంబత్తూరులోని పట్టీశ్వర దేవాలయం సమీపంలోని దర్పణం మండపం, పడితుర ప్రాంతాల్లో 10కి పైగా గుర్రాలు తిరుగుతున్నాయి.
ఫొటో చూసి..
అవి అక్కడ తోటలోని గడ్డిని తిని ఆ ప్రాంతంలో తిరుగుతాయి. వారం రోజుల క్రితం మందలోని తల్లి గుర్రం మరో ప్రాంతానికి వెళ్లింది. దింతో పిల్ల గుర్రం ఒంటరైపోయింది. అది తల్లి గుర్రాన్ని వెతుక్కుంటూ ఆ ప్రాంతమంతా తిరిగింది. సోమవారం పేరూరు బస్ స్టేషన్ సమీపంలోకి వెళ్లిన ఓ ప్రైవేట్ బస్సులో గుర్రం రంగు ఫొటో అతికించారు.
చలించిపోయిన ప్రజలు..
ఇది చూసిన పిల్ల గుర్రం తన తల్లి అనుకుని బస్సు వైపు చూసింది. బస్సు చుట్టూ చక్కర్లు కొట్టింది. బస్సు డ్రైవర్ బస్సును ముందుకు నడపడంతో చిన్న గుర్రం బస్సును వెంబడించింది. ఇది చూసిన ఆ ప్రాంత ప్రజలు గుర్రం పరిస్థితి చూసి చలించిపోయారు. ప్రస్తుతం ఈ వీడియోలు ఇంటర్నెట్లో వైరల్ అవుతోంది.